買自住單位的良機

　　有同事開完會同我講，昨晚與親戚食飯，知道樓價比最低位的時候已升返20%，去年他們想買樓時，聽到有不少KOL話樓價仲有得跌，所以遲遲未肯買，最接近的一次，銀行已經做了批核，業主又同意他們的出價，但週圍的朋友都話唔好買，現在改口話買樓是個人的事，唔應該問其他人，咁樣就錯失了買樓的時機，親戚話事同事在地產投資公司做事，究竟幾時是買樓的時機。

　　同事話昨晚已經解釋過，除了個人的實力之外，就要睇銀行態度，銀行對於買自住單位的人，一向都採取鼓勵態度，除了可以做八、九成按揭之外，仲有超過1%回贈，與此同時，對於買多過一個單位的人審批甚嚴，唔好講八、九成，五成按揭已經好好，無形中勅住他們，讓買一個自住單位的人去買，這就是買樓良機，如果咁都唔買，錯失良機就唔好賴人。