又有一個資深投資者過身

　　今早開例會時，有同事話我都算叻，面對YouTuber 咁大壓力，都可以頂得住，同事收到消息，又有一個資深投資者過身，相信是頂唔住壓力，非常可惜。

　　好多人唔知道，以為大多數物業投資者是負資產者，其實，絕大多數物業投資者仍然持有非常多物業，足夠抵消欠債有餘，雖然和全盛時期相比就差好遠，但資產淨值仍然是正數，壓力並不是來自資產減值，而是來自YouTuber 壓力。

　　YouTuber 開咪，一定會講人唔好，當中有真有假，但YouTuber 忘記講一件事，很多物業投資者都是白手興家，雖然現在有不少唔見了一半身家，但仍然有很多錢，唔應該淨係講他們輸錢，唔講他們贏錢，任何一個人面對這些壓力都很難頂，我不時都有一些住在外國的舊同學，睇到YouTuber 視頻之後都問我搞唔搞得掂，我只能話還好，真心希望YouTuber 積吓陰德，係個句講都冇問題，最怕係又講，唔係又講。