高收入，低消費才是最恐怖

　　今日早上跑步時見到一個舊朋友，老實說他平平無奇，勝在有一份穩定工作，住公屋，有四個兒子，大家齊齊搵錢，由於支出少，很快就儲到錢買樓，買完一間又一間，至今，一家人最少有十幾個單位收租，比起一些高收入，高支出的家庭不知好幾多倍，那些家庭到現在可能仍然要租樓住。

　　很多人不明白，中國GDP不高，點解可以發展起來，簡單講一句，就好似住公屋的家庭一樣，一家人雖然收入不高，但支出亦不高，有閒錢可以發展經濟，搞基建，不知不覺，國家便強大起來。

　　不少歐美國家，雖然GDP很高，生活水平亦高，市民收入用於生活，而國家收入用於市民基本需求，如果唔發債，根本冇多餘錢搞基建，一段時間之後，大家發覺，即使那些國家GDP咁高，仍然入不敷支，久而久之，國家便積弱下來，變成一個唯命是從的國家。