今早有客人到公司簽合約，閒談之間，客人話自己以前是住公屋，後來收入增加，不符合資格，主動交回公屋，朋友笑佢真係傻，有咁好福利，點解要交返畀政府，當時笑他的朋友，今日仍然住公屋，他除了有自己的生意之外，仲有幾個物業收租，如果當日不主動交回公屋，今日有可能仍然要住公屋。
我認為主動交回公屋的人是值得尊重，我有不少住公屋的朋友，後來做生意搵到錢，但仍然唔會主動交回公屋，
理由是那間公屋風水好，交返畀政府可能對自己不利，其實，只是搵一個理由唔交返間公屋畀政府，那些人不值得尊重。
政府現在用金錢鼓勵市民舉報濫用公屋，有5400宗個案，600宗完成調查，25宗成立，發了7.5萬奬金，或者政府可以考慮俾些少獎金給予主動交回公屋的人，否則，如果他們被舉報，就要交一筆罰款，一來一回，或者會令一些人交回公屋。
理由是那間公屋風水好，交返畀政府可能對自己不利，其實，只是搵一個理由唔交返間公屋畀政府，那些人不值得尊重。