今早去跑步，有跑友話跑完步要同老婆去辦年貨，大家都唔明白點解咁遲，原來跑友較早前與老婆冷戰，佢老婆話半個月唔啋佢，所以冇去辦年貨，今日期滿，叫了一聲早晨，跟著話今日要去辦年貨，跑友拿拿聲應承，唔通冷戰一世，一定要有一個期限結束。
我同意跑友老婆做法，制裁一定要有一個期限，在世界上，我最同情的國家並不是那些貧窮國家，而是古巴，因為
唔聽美國話，在1962年開始，已經受到聯合國制裁，至今仍然未解除，古巴人民算是樂天派，或者是苦中作樂。
聯合國在制裁古巴時，應該好似判刑一樣，給予一個期限，10年或者20年，冇理由是長期制裁，對古巴人民是不公平，如果古巴能夠做到聯合國的要求，制裁可以提早結束，聯合國對古巴制裁，是給予全世界一個極壞榜樣，如果唔聽美國話，就會受到無限期制裁。
