今早在會所做完健身，睇緊報紙的時候，有住客話日本與美國簽了美日防衛機制條約之後，不但夠膽挑釁中國，甚至夠膽收𡃁，所以高市早苗話台灣有事，日本有事，而且日軍機仲迫近遼寧艦，被解方軍鎖定照射，美國立刻出聲叫中
國節制，有美國照，日本應該好開心。
住客斯文人，唔知道打交唔夠人打，千祈唔好搵幫手，否則未打先輸，就算打唔成，都欠美國一個大人情，特朗普話美國要輸出大米，牛肉到日本，日本敢唔敢拒絕，叫日本買多啲美債，增加軍費，日本又有得說不，如果打得成，日本一定要做爛頭卒，好似烏克蘭現在咁樣，高市唔認識哲學，唔知道打交千祈唔好搵人幫手，否則就後患無窮。
