政改被否決 後向待觀察
節錄經濟日報 石鏡泉
政治是懂政治的人玩的。泛民們以為贏了，但他們到底贏了甚麼？建制派議員大部分是功能組別議員，他們根本上就沒有任何動機去支持政改方案，因為隨着政改通過就是檢討立法會選舉辦法，可以預期功能組別將會逐步取消。
建制派議員若全體投贊成票，一個唔覺意有幾個泛民靜雞雞轉軚令政改通過，建制派豈不是損失慘重。隨着政改被否決，所有現有的選舉辦法都會照舊。換句話說，特首依舊會由1,200人選出，功能組別亦會繼續存在，而可見的將來整個制度都不會改變。
中央政府及建制派可能暗暗偷笑，大家交足戲，來個明修棧道，暗渡陳倉，政改原地踏步，又將泛民班牛鬼蛇神的真面目清楚向市民展示，真是一石二鳥。最悲哀是泛民這班儍瓜，被對手玩弄於股掌上，還懵然不知，以為自己在這博弈中得勝，其實甚麼也得不到。真可悲！
亦有人再分析：
建制集體離場令到贊成票只得8票，比28票反對大幅拋離咪輸得好難睇。眾人皆醉他獨醒，阿爺會唔知建制派議員行動，或者可以咁講，建制派夠膽起阿爺飛腳？
建制走剩8個，保證「一定」夠人數投票而唔會流會，一次完美而有默契嘅布局，夠人數投票而且能夠速戰速決。
政治並非請客食飯咁簡單，更非只睇表面，往後香港政制何去何從？恐怕泛民自己同支持者自己都唔知。繼續為反而反蹉跎歲月只會陸續俾港人唾棄，而中央更不會把這批只懂叫口號的放在眼內。但如果走激進路綫搞本土港獨更屬自掘墳墓，真正的大輸家是誰已經呼之欲出。
有人咁樣分析：
既然有部分港人唔俾面中央，唔承認一國兩制原則，中央亦無必要俾香港人民主，政改過關下一步就到立法會，廢除功能組別同全面直選。依家好囉，原地踏步，繼續維持1,200人投票選特首，繼續分組點票同功能組別，係最符合中央同建制利益。
今次建制派議員集體離場，無咗34票贊成，加埋已經投咗嘅8票，原則上會有42票贊成票，如果泛民有幾票臨時轉軚，到時一夠47票就通過政改，依家集體離場保證唔夠票通過，所有制度原地踏步不變，完全保障中央同建制利益，而且又將大部分責任推俾泛民，現場所見否決政改後，班泛民政棍個個心事重重好似死老豆咁，可能喺嗰一刻至知道，自己今次做咗一隻棋子，變成兩面不討好。
坦白講，政改過到中央贏掌聲，過唔到無乜大不了，而且通過呢次政改爭拗過程，令到中央睇通晒對家底牌，泛民日後條路會更難行。真係應咗王光亞嗰句，永遠只可以喺街頭抗爭。至於香港人就要自求多福，如果繼續熱衷於政治爭議，只會繼續俾邊緣化做港燦。
這是不是建制派跌落地，抓回一把沙，又或者真是阿爺原地踏步計成功，待觀察。這個朋友分析，或許天真兼夢幻，但實際結果可能就是天真與夢幻。
石鏡泉呢篇嘢，小弟 99% 同意，而我仲睇倒，呢次令到議案剛剛夠法定人數嗰幾個建制派，不是無的放矢嘅。
表面上建制派裝越位失敗，市民會点睇？
一向支持開泛民嘅選民……
你建制派真的不知所謂，抵死！！
一向支持開土共嘅選民……
你哋醒少少好嗎？下次做嘢前講清楚啲嘛，如無意外呢班人下次選舉，一樣將選票全投民建聯同工聯會。
平時無乜留意政治，又無強烈政治立場的人……
那班走咗出去嘅建制派，真的「無能用」，人走佢又走，十到無朋友！！真係鄧田少可憐，呢鑊真係不怕神一樣的對手；只怕豬一樣的隊友。
泛民正福佳、土共七下七下，下次選舉都係投自由黨、林大辉正路D！！！
縱觀全局，這次政改表決唯一有分加者，只是自由黨，希望田少醒少少，來個直選坐2望3！
