| 瀏覽人次：16770
回應：66
|
筆者是從雷鼎鳴那集起，才開始收看<湯文亮會客室>的，由於內容豐富，看得津津有味，查看一下其他集數，原來第一集請來大名鼎鼎的<香港黃金五十>創辦人林奮強先生，講述他對樓市、經濟、本港發展樽頸等高見......對，是高見，筆者很少這樣子稱讚他人，惟林先生的確是對本港的現狀、發展前景有極深入的研究，為港人指出很多機遇及隱憂，這樣的一個人才，加入行政會議不久就被醜陋邪惡的政客圍攻，最後縱使證明清白，卻不欲家人再受苦而離職，實在太過可惜，乃港人的一大損失。
- 在眾多章節中，談及樓市的篇幅不算多，卻扼要地道出現時樓市狀況，筆者再翻查之前的資料，綜合如下：樓市直至目前為止仍是供不應求。
- 黃金五年(2010-2014)期間高收入家庭住戶數目急增，月入逾10萬住戶升了59%；月入5萬至10萬住戶升了46%；月入2萬至5萬住戶升了24%；月入少於2萬住戶降了18%，有資格購買私樓者數目大增。
- 土地供應仍然十分緊絀，而市區重建過程緩慢，開發新市鎮及填海又遇重重阻力。
- 息口方面，金融海嘯發生至今已8年，但歐美各國經濟距離真正復甦仍甚遙遠，歐洲及日本為防通縮，已積極量寬一段日子，在這種環境下，不減息已屬難能可貴，談何加息？不加息，本港的按揭利息又怎會加？
林奮強在其早前的文章曾談及，他不會只看本港GDP增長與樓市升幅作比較，而採用四個更佳的指標：(一)政府利得稅和薪俸稅收入；(二)就業人口；(三)家庭收入中位數及(四)接受綜援的人數變化來評估樓市，事實上，這四個指標，在過去數年都表現極佳，即是頭三項皆上升，第四項在過往五年下跌兩成，市民普遍賺多了錢，又有極剛性的需求，樓市焉能下跌？
林先生在節目中還有一個因素未有談及，卻非常重要，更是近年樓市剛需的一大主因：上世紀嬰兒潮時期出生者，他們的下一代在幾年前起已陸續步入適婚年齡，自然有置業另闢新天地的需求。事實上，每年皆有數萬對新人結婚，有能力替子女支付首期(甚至Full pay)的父母，眼見樓市不斷上升，只會加速入市步伐------筆者想起近日某樓盤的準買家，乃一老伯，接受訪問時表示，不是為自己或下一代買樓，是為年僅13歲的孫兒買樓！
節目中也談及香港的高樓價高租金趕走了部份外資，使他們選擇新加坡而非香港作擴充基地，連同大量高薪職位因此流失，所以為了長遠提升本港的競爭力，增加供應始終是解決問題的關鍵。另外，本港人口老化，未來對醫療服務的需求將會大增：65歲以上老人家對醫療服務的需求是年輕人的6倍！但政府卻視若無睹，現時的公營及私營醫院之數目、資源已不足夠，坐擁龐大財政儲備的港府，是否夠鐘就本港醫療制度作大幅改革，未雨綢繆，大增在醫療方面的投資？
一言蔽之：發展樽頸欲突破，增加供應乃關鍵。
|
|
|
| |
|
|
|
|
|
1. 亮劍 2015-06-05 10:20:35
|
|
仲達兄，在叁年前 (2012-08-20 )小弟曾經咁寫，可有效解釋呢家D上車客首期点班出來；点解可供得起層樓。
於 09 年 6 月 4 日，施永青係咁寫「現時股市與樓市的反彈，並非反映於經濟已開始復甦，而只不過是原有財富的儲存模式出現較大規模的轉移吧了(由現金轉回去投資市場)。實體經濟的產能過剩問題，並未因而得到解決。」
就C老闆呢個「原有財富的儲存模式出現較大規模的轉移呢一點」，政府應該開一個腦震盪會議參審現行打擊樓市政策，是否與現實脫節！
CY及您嘅團隊應該知道，現在香港有一半私樓，喺係一班40幾到 50幾嘅 60後中產人仕手上。
呢班人大多生於196X年，這是香港人口出生高峰期，加上197X年開始，香港教育有長足發展，他們無論學歷、社會地位、影響力、揾錢能力、聚積嘅財富速度及實質資產等，都非同小可！
如果以正常嘅人生歷程來計，呢班 60 後唔使蓋棺已可論定：-
粗略計算約一半人可以入住公屋，咁拒哋起碼三餐唔使愁，醒少少者仲可以買翻間私樓或居屋，執倒少少資產增值嘅甜頭。
再醒啲嘅、或有計劃啲嘅 60 後，三十歲前後實現叁仔或四仔者(屋仔、老婆／公仔、細路仔加車仔) 如江河之鰂，今時埋單計數，就算拒哋仔女未畢業、層樓未真正供完(換過幾間或買多一兩間投資) ，都應達曬標，到達目的地，只差十年八年而矣！
CY 及政府高層唔好再屈埋喺金鐘總部閉門造車，現在起碼有數以拾萬計嘅 60 後家庭，拒哋喺有足夠首期、供款能力及實際需要：-
1) 更換大啲嘅樓宇。
2) 買多間近自己屋企嘅 2 手樓俾啲細路。
3) 買多间屋收租以作退休之用(我哋真係俾啲股票及基金玩到殘啦)！
但睇CY 您嘅思路好似當我們呢班人透左明一樣！整左或整緊啲房屋政策唔與人方便不特止，當然更無想過點招呼我哋呢班人，起啲切合我哋需要嘅樓去換、去買及去投資啦！ 唔通 80 後惡啲？ ……………… 最近或在可見的將來，小弟已或將出席唔少宴會，因為有人夠期荣休。 呢度有D啟示，因香港人口增長的爆炸期，係60年代初的人口出生期及70年代尾到80年代初的偷渡潮。 呢兩批人不少於打後十年八年分別退休，可以想像如果有一部分人用他們的退休金入市，會係乜景象？
|
|
2. 睇得通 2015-06-05 10:39:37
|
|
林奮強的高見??? 一位沒有遠見的人!!! 一上場就賣樓,倒自己米,有何高見???
|
|
3. 上善若水 2015-06-05 10:46:45
|
|
香港的菁英主要有兩類：一類是行政型，只關注處理日常行政事項，對長遠經濟發展缺乏前瞻規劃，就算心中有想法也避免在公開場合提出，怕出錯；另一類是商業型，對經濟觸覺敏銳，惟關注的只是自己的商業利益和投資利益。行政與商業的結合型人才，既有對經濟具有長遠認識，又能從宏觀行政角度制訂政治策略的人不多，林奮強或算一位。
|
|
4. LIKE 1 & 3 2015-06-05 11:29:49
|
|
|
|
|
5. 引刀一快 2015-06-05 12:16:08
|
|
|
|
|
6. Carson 2015-06-05 13:24:27
|
|
|
|
|
7. CD ROM 2015-06-05 14:51:28
|
|
仲達兄,
幫13歲孫買定樓唔誇張........ 我圍內老友真人真事, 阿爺係孫仔1歲時, FP一層3房套比個仔一家住, 話買比阿孫仔渣手wor.... 老豆層2房轉放租, 供書教學~~~ |
|
8. CD ROM 2015-06-05 14:54:11
|
|
林奮強賣樓, 梁錦松買車, 性質相同嗎??
利申: 小弟對呢2位人仕離開政府係深感可惜的...... |
|
9. 肥婆四 2015-06-05 16:00:37
|
|
林奮強賣樓，據新聞報導，係要準備一匹錢做家用，因為佢做行政會議員的薪酬會給香港黃金五十做經費，賣樓都係公開的，祇是別有用心的團伙，因怕林生的理論讓香港好起來，一定要把他打倒。在這件事上，香港人是可悲的！梁錦松買車就更好笑，倆公婆到車行睇車買車本身就已經是公開，都唔知點解唔講透佢，又少香港人同佢講公道話，或者D人無認真睇清楚事情的來龍去脈，又有人當小事忍咗佢，人云亦云，使公義不彰，做成今日有些人搏出位去準備做議員，靠罵人搵食。
|
|
10. 亮劍 2015-06-05 16:21:32
|
|
四兄……你講林奮強的東西，绝大部分正確，但林生的行政會議議員薪酬，本來係想捐畀「陳校長免費補習天地」先真。
|
|
11. 肥婆四 2015-06-05 16:29:31
|
|
|
|
|
12. CD ROM 2015-06-05 16:33:40
|
|
我依稀記得梁錦松轉頭已經將人地話佢貪果d錢既唔知幾多倍, 捐去做善事, 不過好似四兄話齋, 無乜人幫佢講說話.............
另外佢做很好好既一件事, 就係娶左伏明霞來香港~~~~~ |
|
13. 肥婆四 2015-06-05 17:27:48
|
|
話梁生偷步買車，真係搵鬼信，佢有幾仟萬年薪唔做，應老董邀請幫手做財爺得返二三佰萬年薪，無非都係想到自己的使命感，貢獻香港，服務香港人。這就得罪了想香港死、渾水摸魚的人。其實佢唔應該捐錢，捐錢等於再比子彈對方，集中講事實仲易說服，在這樣的環境下，要做到也要付出%份之200%的工夫。相反，那些妖魔鬼怪，報紙出齊證據收錢，都未動到佢地多少，可知香港孽力深厚。可幸，亞爺已經明白。
|
|
14. 死雞撐飯蓋 2015-06-05 18:05:34
|
|
死雞撐飯蓋,樓價又爆煲. 
|
|
15. 引刀一快 2015-06-05 18:28:00
|
|
To 9樓 肥婆四兄
呢個叫做“避忌”，官即係管，做官唔識避忌，一切皆枉然。
梁錦松死得其所，早就成爲大陸人反映國內貪腐狀况反差最具體之例子之一，為推動國家廉政嘅重量級炮灰，佢嘅作用直達中國全民潜意識。
|
|
16. 引刀一快 2015-06-05 18:36:40
|
|
To 12樓 CD ROM兄
様靚嘅人好多，但係伏明霞唔係一般嘅美麗，係震撼世界嘅美麗。梁生大過岳父俾人覺得Playboy係免不了。
事後捐錢，捐多多都會俾人話係補鑊，當年有一點好關鍵，就係捐錢係喺辭職之前，大家有乜諗法自己對號入座。
美國總統嘅年薪都低過好多企業高層。
|
|
17. 引刀一快 2015-06-05 18:40:10
|
|
講真，我睇偸步買車、賣樓，都唔覺得係咩大件事，但係佢地唔識避忌，咁就係大件事。
|
|
18. HW 2015-06-05 19:12:04
|
|
VAWB林奮強是對的，過去五年的確是香港的黃金五年，尤其是對那些有信心揸物業的港人。當然對那些睇錯市被震倉震出物業市場的中產，過去的五年相富難過。
|
|
19. HW 2015-06-05 19:22:50
|
|
林𡚒強對香港樓市的判斷一向都好準，絕對是香港物業市場的權威，而且他本人及家人都是樓市大贏家。佢說話的份量大過好多樓市明燈。
|
|
20. 小小業主 2015-06-05 19:44:20
|
|
可恨的政棍！尤幸佔中一役令很多人看清泛民真面目。要香港好一定要他們票債票償！
|
|
21. 蜕变中嘅懒人 2015-06-05 20:31:24
|
|
小小業主兄
懒人两公婆已經登記咗做選民，呢次係懶人一世人第二次，就係要泛民票債票償。
共趕之出局，哈哈。 |
|
22. 肥婆四 2015-06-05 20:43:16
|
|
回15樓 引刀兄 〔避忌〕呢樣野，睇情況。所謂欲加之罪，何患無詞？我都係睇報紙了解情況個隻，有報導過佢倆公婆去睇車買車，大多數香港人若想買車又近公佈財政預算，咁都會係財政預算公佈前買的，咁梁生在未傾好財政預算時，因有添喜小孩，須要大些的車應用，要用就要買，何偷步之有？話偷步係莽顧事實，生安白造！ 你仲要講到國內打貪的借鏡咁，小弟更不明所以。 |
|
23. 十兄弟 2015-06-05 22:04:29
|
|
我都唔係幾相信梁錦松為悭呢D小錢去偷步，只係唔夠政治触覺，有人話佢連呢D政治触覺都無，点可担當咁重要嘅位呢？這又是另一議题。其实佢幾時需要幾時買車都可以，但要申報，誠諾日后若加税會即時補回差價就乜事都無。
|
|
24. 大寶二寶 2015-06-05 22:35:21
|
|
回懶兄
泛民今次太瘋癲， 以為他人看不穿， 2016 選舉時， 票債票償未算遲。
過去廿幾三十年都支持泛民，今次投白票，唔再上當。
共趕之，哈哈！
|
|
25. Tron 2015-06-05 22:41:32
|
|
除了仲達兄所講嘅“富二、三代“為樓市剛需外，我身邊不少早幾年前聽正苦講而賣樓等跌嘅朋友，而家已經有些再等不下去。從前賣了8－9百尺的，而家4－5百都開始去買，未買的都不停睇樓。呢個再次一級的剛需估計數量不在富二三代之下。
呢幾年嘅新建樓靠面積細小來保持數量，幾年後生了小朋友時（一般生一個小朋友需要多一個傭工，即由二人變4人），換樓壓力亦隨之增加，其實呢個壓力也早已出現，只是不少人看跌或經濟能力未達要求，但近期已明顯有改變。未有自住樓又睇跌嘅朋友壓力會更大。 |
|
26. 肥婆四 2015-06-05 23:12:02
|
|
據報導，當時開行會討論財政預算後，有人提醒梁生買車可能要伸報，意會是否加入伸報……？報導語焉不祥。從理診視，好可能當時覺無問題的，無謂此地無銀咁複雜，試想，做財爺的除配有官邸，還有專車侍候，更有工人保安配置，佢依家買車因應小孩要多放嬰兒用品，理無占便宜之濾，祇是別有用心的人，利用各種手段，任何事物都用放大鏡，甚至哈哈鏡去看，咁就蛇都死！我睇梁生都係一時匆匆了斷煩惱事非地，做他的小奶牛助人為樂事業。打擊他的人，現在做著甚麼事情？這不是值得大家思考嗎！
|
|
27. 引刀一快 2015-06-05 23:19:43
|
|
肥婆四兄
梁錦松依傢喺大陸，係家傳戸暁嘅人物，迎娶伏明霞呢點係一時嘅，因爲偸步買車丟官，呢件事就成爲舉國皆知、香港法治、廉潔、嚴謹嘅最佳寫照，清晰明白！今時今日已經幾年過去，但係大陸嘅打字輸入法裏面，梁錦松三字係預設詞彙嚟架！
因爲呢件事清晰易明，有對比就有改進，佢嘅丟官的確成爲中國邁向文明廉潔嘅其中一塊奠基石，哪怕係無心插柳。
我記得當年，梁生呢件事，報紙報道好多細節，都係指向佢有心慳錢。
林奮強事件同理，欲加之罪同欲加之庇，都係一樣，當時一堆梁派手下下馬，當然係關乎鬥爭，好多都係俾人翻舊賬，人無完人，可以理解，但係林生係衰現行。
|
|
28. 肥婆四 2015-06-06 07:34:59
|
|
引刀兄 梁生不是貪官，點能夠與國內的貪腐相提並論呢？或者有人話疑似偷步買車都要辭職，來對比香港的廉潔與國內的貪腐猖狂。這實際上是不明真相的人云亦云態度，梁生之所以受到攻擊，完全是政治迫害，別無其他。 |
|
29. 引刀一快 2015-06-06 08:10:43
|
|
肥婆四兄
梁錦松的確稱唔上貪官，偸步買車事件係歸類於操守，否則可能已經判刑。
至于“政治迫害”一詞，適用于當權者自上而下嘅强權式欺壓行爲，梁錦松呢件事，用政治鬥爭可能比較合適。
講到呢度，肥婆四兄你認爲推手係邊個？同埋動機呢？
|
|
30. 肥婆四 2015-06-06 09:03:57
|
|
引刀兄 就跟你講用政治鬥爭也罷，推手不好講，相信大家都知，動機咪打擊特區政府管治威信，阻擋有志服務特區政府的人仕參與建設、使之繁榮穩定，從而造成施政無效、失誤。妨礙中央政府實踐一國兩際思想去統一中華民族，振興大中華。 |
|
31. 睇得通 2015-06-06 09:05:18
|
|
梁錦松死得其所，早就成爲大陸人反映國內..........???? 梁錦松活得其所，瀟遙快活,當年取中國第一體壇美女,修三生福氣,不要高職要美人,此是人生最大滿足......
|
|
32. 亮劍 2015-06-06 09:06:27
|
|
大寶二寶C兄: 中央現在正施行反間計，主要目的係將有經營地區基礎的民主黨絞殺。 道理非常明顯，於今年區議會選舉，係實行單議席單票制。 不要給我批死，在不少本來泛民與建制勢均力敵的選區，將會有些微本來長期投泛民的選票，今次會轉投建制，你不要少看幾個%選民轉變，因為呢度等如一人轉投，就會出現來回兩票差距的現象。 其實民主黨可能已經心中有數，呢個情況正在發酵。 要是今年民主黨區選大敗收場，那麼下一年立會選舉，佢哋民主黨的選舉工程將舉步維艱。
如果我係建制立會選舉操盤人，我會咁做:
1 在下一年年頭開始，會透過愛國社團，通知所有親中鐵票，每當有任何民調訪問，都答自己心儀立會代表，就是各激進民主派，例如人民力量、社民連、熱血公民、傘後運動代表、雙學中人……總之越多越好，那麼以上各激進派，要是睇見自己最少都有 4~6% 支持率，那他們定必派自己嘅嫡系披甲上陣，鐵心參選立會選舉。 2 到立會選舉前嗰個零月，呢D親中鐵票，就會喺接受調查時答:「我會支持公民黨/民主黨！」咁就可等佢哋以為他們嗰兩條隊可分別夠票；或鑽石名單排第二的候選人可有機以餘額當選；或自己條隊嘅票已滿晒，可分咁 D 畀同路人。
小弟相信，呢次 2016 年的立法會選舉，所有泛民候選人的總得票應上落不大，可能仲有少少增長。 但因為那些激進派的候選人太多將票数分薄；溫和派不能有效計數及配票。
最後所有民主派的議席，因此少咁幾個！
|
|
33. 睇得通 2015-06-06 09:26:02
|
|
為什麼地產博客不敢組織參選陣線呢???得閒應該鍛鍊鍊吓劍!!!不要假手他人,扭曲自己的靈魂??? 
|
|
34. 睇得通 2015-06-06 09:49:46
|
|
現在香港沒有古劍客勇士了.........
|
|
35. 亮劍 2015-06-06 10:10:36
|
|
睇得通兄…… 小弟有家人曾經是議員，政治的黑暗一面，我知唔少。 呢幾年我亮劍不停代入不同持分者位置來回應，托賴大多畀我把衰口嗡中。 下年建制派與泛民派的選舉工程成敗，可能決定打後十多年香港由盛轉衰甚或從此沉淪；或擺脫束縛從新上路。 咁各方以種種手段，以增勝算，又有甚麼問題？ 況且我係喺度估人用乜計仔啫，咁都唔得?
你叫政客玩政治之餘、又要人講真心話，佢真係多多唔夠死……哈哈 |
|
36. 引刀一快 2015-06-06 10:34:16
|
|
肥婆四兄
楊振寧娶翁帆，係為咗養老，同埋鋪排巨大嘅學術遺産，........................都俾人唱到面黃喇。
|
|
37. 肥婆四 2015-06-06 11:22:22
|
|
引刀兄 楊振寧婜翁帆，係佢福氣，人生難遇知己，還是美顏傾慕，當然是上帝的禮物啦！要成受一些冷嘲熱諷，不算甚麼吧，幾好都總會有人不滿意你，但求心安理得就是。正是書中自有黃金屋，書中自有顏如玉的寫照。 |
|
38. 大寶二寶 2015-06-06 11:32:55
|
|
回劍兄
基本上你嘅選舉預測結果同我估計差不多: 1. 會預期呢一兩年會多咗班九十后新登記選民 2. 呢班九十后大多支持激進泛民 3. 温和民主派選票會大量流失 4. 溫和泛民預計會少咗四至五個議席而由建制派同激進泛民瓜分 5. 總計泛民立法會議席會減少兩至三個 6. 未來議會暴力文化會不斷升級
順帶一提，我覺得政改通過機會不大，原因: 1. 粗略估計，依家大约有六成支持，四成反对 2. 泛民若投反对，估計仲可保住四成選票 3. 泛民若投支持，四成選票可能得番兩成，而六成政改支持票最多得一成轉投泛民 (最樂觀估計), 此消彼長底下，總流失大約一成選票，死硬 4. 所以呢次泛民真係要死頂，騎虎難下矣。
共算之，哈哈！
|
|
39. 同路人 2015-06-06 12:51:13
|
|
亮劍兄，所謂公死有肉食婆死有肉食，做好做淡到時要看機行事。
|
|
40. 小小業主 2015-06-06 13:11:44
|
|
to 35f 亮劍兄， 同意亮兄所言，2016 或許就是香港的分水嶺，由盛轉衰或從新出發，還看明年！ |
|
41. 中港平交道 2015-06-06 13:47:57
|
|
小弟幾十午来不问政事，今年才登记做選民，目的只是一个，希望將政棍，拉布議員踢走……
|
|
42. 十兄弟 2015-06-06 16:32:47
|
|
我以前都係因為懒，怕麻烦所以一直都無去登記做選民，今時唔同往日，幾麻烦都好，一定要叫埋老婆同埋D懒或怕麻烦的老友去登記，務求叮走班不知所謂嘅犯民出局，要自救啊！
|
|
43. 香港人 2015-06-06 17:12:45
|
|
香港的問題主要唔係反對派，佢地只係腐物上的蟲。而假政府施政失敗，道德同形象低落，先令呢班友同Ｄ廢青有巿場。 梁振英，陳茂波同馮煒光等係巿民心中形象如何，由佢地落區為政改拉票即導致政改支持度插水可見一斑。大部份巿民恥於同呢班人埋一堆，對佔中同拉布等都保持沉默；當然亦有人因為呢班人對中央政府同特區失去信心同耐性，直情去支持反對派。香港社會同中央政府可能都為呢班人付出左好大的代價，亦造成彼此的日益疏離。
|
|
44. 沒有勇氣的人 2015-06-06 19:09:21
|
|
送給沒有勇氣的人瀏覽....... 中產可以改寫議政結局??? 香港左右民主乞丐丐幫黨是香港社福開支財赤根源!!!古人有一句俗話說: 求人不如求己,使狗不如自走!!!閒話觀感: 籌組:中產議政聯盟???丟掉幻想???準備戰鬥??? 預備工作: <一>,<二>,<三>…… 預備工作: <一>……立法會選舉, 候選人需要100名選民提名… 香港新聞網7月17日電 中新社報導，香港特區2012年立法會選舉18日起接受提名，為期兩周的提名期于7月31日結束。 立法會選舉將於9月9日進行投票，由地方選區和功能界別各選出35名議員，共選出70名議員。 選舉事務處發言人說，地方選區選舉或功能界別選舉的獲提名人士必須是年滿21歲的地方選區已登記選民。地方選區選舉或功能界別選舉的獲提名人士亦必須在緊接提名前的3年內通常在香港居住，並且是沒有外國居留權的香港永久性居民中的中國公民。 地方選區選舉的每張候選人名單須繳交5萬港元選舉按金，而功能界別選舉的每位獲提名人士或區議會(第二)功能界別選舉的每張候選人名單則須繳交2.5萬港元選舉按金。 地方選區選舉的每張候選人名單必須最少得到100名有關選區的已登記選民簽署同意提名，而在每份提名錶格上簽署的提名人不得超過200名。每名選民隻可就某一地方選區選舉簽署一份提名錶格。(待續……) 預備工作: <二>……籌組: 中產議政聯盟 智囊班底: 選舉代理人,(或在過往選舉代理人合適有經歷的選舉代理人中找尋合適的人選,香港選舉委員會選舉代理人/立法會選舉代理人/區議會選舉代理人.)必須做好一切準備工作, 準備一切可以引用的政綱,不打無準備的仗…… 未完,待續……) 預備工作: <三>……籌組: 中產議政聯盟 精英班子的組成: 找尋聯絡現有立場堅定有個人獨立思維自由中產議政的中堅骨幹人物組織聯合出選名單,例如:田北俊,謝偉俊……過往有高選民基礎的排一,二,三名,沒有選民基礎的抽籤定名次先後………… 完……) 可以從左右民主混吉垃圾會議席中釋放出50萬張小業主選票,小小業主選票,約有150萬位???如果能夠爭取到另一方面50萬張小業主選票,2016年香港立法會五大選區可以產生約10個中產議政聯盟議席???…加上功能組別約有五份三議席強議員會認同中產議政聯盟…政治理念???未來中產就不會孤軍作戰了??? 中產可以改寫議政結局??? 中產可以改寫議政結局??? 中產可以改寫議政結局??? 中產可以改寫議政結局??? 為什麼要籌組:中產議政聯盟???這是中產議政結晶及機會,取得在議政中的主動權益!!!
|
|
45. 元朗人 2015-06-06 21:04:17
|
|
32/F亮劍兄
同意你的估計。但年輕—代普遍被泛民和毒菓洗腦也是香港大患。否定—国两制，脱離中國的目的將會越来越明顯。解决方法可能要倚靠23條？ |
|
46. 小小業主 2015-06-06 23:21:35
|
|
各位師兄， 我直頭幫屋企人填埋選民登記表只需他們簽名作實，反正不用付郵費，務求做得幾多得幾多, 一定要飯民票債票償！ |
|
47. 尚築134伙4個半鐘售罄 2015-06-07 17:05:09
|
|
|
|
|
48. 「未來兩年 細價樓可望升2成」 2015-06-08 13:09:11
|
|
「未來兩年 細價樓可望升2成」「短炒王」吳龍飛：市區舊樓較有水位賺住宅投資者，有「短炒王」之稱吳龍飛認為，未來兩年細價樓「仍有得升」，升幅可達兩成，他認為不妨在市區單幢舊樓中尋寶，成交較少兼乏指標，較有水位賺錢。 「
|
|
49. 仲達加油 2015-06-08 13:18:29
|
|
博士太小家，佢個web site 有Control，經常唔接受睇好細價樓的post.
博士太高估自己的影響力了。升市葖估頂，香港貨幣供應在2014年底已經升到11萬億（97年只有不到3萬億），幻想樓價停留在97年，不切實際。 |
|
50. 湯文亮：未来一年是豪宅世界 2015-06-09 23:52:29
|
|
2008金融海嘯，漫畫家馬榮成一炮過以現金七千六百萬元購入倚巒十七 號屋、呎價只二萬二千八百元，倚巒頓變炒家英雄塚，尺價由五萬六千元（建筑尺价）跌到二万三千元（建筑尺价）不到。细价楼爆的話，豪宅只有死得更難睇！博士太天真！
|
|
51. 亮劍 2015-06-10 00:23:34
|
|
每在區議會選舉報名前，無論你泛民及建制，果D百零蚊蛇筵，新界一日遊，有嘢食又有獎抽，仲有十元八塊影打半学生相、同老人家剪頭髮，能否收回成本大家攝高枕头想一想。
我對面街嗰個區議會選區，從有選舉開始都係民主黨地頭，2007年選舉民建聯派一個後生靚女落去，单挑何俊人细佬輸咗，之後呢個女仔不单止無失蹤，仲以區議員助理/幹事身份日日喺街出現，講真勤力過真正當選嗰個，终於在2011年靚女憑政績反勝民主黨！
類似個案在港九新界俯拾即是，借問呢度一個席位的含金量要多少？
你泛民主派政黨的生存，高度依賴肥佬黎，現在肥佬黎喺黑金門事件中屎淋尿濑，加上成個壹傳媒的業績被台蘋拖累，正常來說呢D政治獻金定必有少無多！
而普通商人見阿爺呢次動了真格，仲大大筆捐款俾泛民，是否腦殘找屎？
現在你激進派仲不斷煽動市民去「狗污」，咁小商户會站在邊一邊，仲會不會大手捐物資俾你派、同你貼選舉宣傳海報在商店櫥窗，是否寫在牆上？
我同意在打後十年八年，建制派在立法會選舉中的總得票，都不能超越各泛民派的總和。
但因為建制派在2015年在各區區議會選戰中取得優勢，可合法地取得政府额外資源以戰養戰，千萬不要小看呢點，因為建制派可在各分區同小區取得據點，就可有效運用椿腳力量作深耕细作。
呢D椿脚所挖掘出來的票，係真正鐵票，某些票甚或稱之為「百搭票」。
當2016年立法會選舉之時，如果選舉規則無大變的話，那麼建制派就會使出加一理論。
例如某區有7個位，建制、中間游離同泛民預期分別係4：1：5，咁建制派就只會出四條隊。
因為泛民山頭林立，仲互相攻擊数臭自己友，那麼點圍票先？
终於泛民候選人有D攞凸爆倉，但有D就剛剛爭幾百落敗！
而建制派因為全盤掌握旗下候選人邊個已夠晒数，邊個只係爭少少，咁百搭票在呢一刻就出动作針對性部署。
最终做到條條隊都緊緊熟當選。
無糧不聚兵、無錢如何能留低人材？
有無可轉移鐵票喺手，就是2016年立法會選舉的關鍵！
|
|
52. 豪宅最後一擊 2015-06-10 09:20:35
|
|
先前都有人講，BSD令豪宅不能成為洗錢工具，前境難以看好，早排見返做PB既舊同學，佢都係咁講。佢好多投資老手舊客其實都係放緊，估計三年後都唔會比現價高，反而好彩放得出豪宅既大客想買酒店同上市公司控股權。 不過股市真係旺，都引到小小新暴發戶入貨。
|
|
53. 香港巿民 2015-06-10 22:04:01
|
|
林生係有料之人，對家怕佢入政府做到嘢。 其實本身對CY不支持也不反對，只是見梁生上台連班底都殘缺不全，人格上被抹黑、施政上被阻撓、拉布！總之要政府做唔到嘢！在市民角度睇，班犯民政治爭權玩衰香港。
|
|
54. 照照鏡 2015-06-11 08:36:37
|
|
一開口就罵上街的年輕人「廢青」的，believe me，十個有九個根本沒有什麼本事，他們頂多是在樓價低的時候買了一兩個物業再加一點股票而已，至於那些百份百靠老爸致富的，就更不值一提了。 為什麼呢？ 因為越是有本事的，越是明白今天的香港跟以前的香港根本是兩回事了。 施永青跟曹仁超，一個靠地產，一個靠股票，都是白手興家的有錢佬，應該比上述那些人更有三五七百倍的資格罵上街的「廢青」吧？ 但他們不單只沒有這樣做，還掉過來，諒解今天的年輕人，施永青簡單直接的說，他那一代人的上一代，都打仗死了，於是他們年紀輕輕的都有機會上位，而曹Sir更直接了當的說，他那一代香港人，一口氣的把之後兩三代人的錢都賺光了。 不明白那個年代的，其實只須要看一看梁振英你就應該明白，他這種有破壞沒建設、連大學也考不上的人，竟然也有本事在30出頭就當上英資測量師行的合伙人，今天就算是Harvard、Oxford畢業的，又有幾個能夠有這種際遇？ 記緊，下次要問別人是不是中國人，又或者要罵別人廢青之前，先照照鏡，看看自己的尊容吧。
|
|
55. 傍惶無助 2015-06-11 09:17:39
|
|
現在的 年輕人 不是「廢青」 是傍惶無助，他們不了解社會的邪惡, 全世界的政府加印貨幣去維護他們社會生存的危機........而社會上又同時存在一部份寄生蟲,...這些就是人類社會的罪惡.......
|
|
56. 幸好有你鼓勵 2015-06-11 09:22:02
|
|
|
|
|
57. Carson 2015-06-11 10:20:06
|
|
回54樓: 師兄提到: "一開口就罵上街的年輕人「廢青」的，believe me，十個有九個根本沒有什麼本事，他們頂多是在樓價低的時候買了一兩個物業再加一點股票而已，至於那些百份百靠老爸致富的，就更不值一提了。 但他們不單只沒有這樣做，還掉過來，諒解今天的年輕人，施永青簡單直接的說，他那一代人的上一代，都打仗死了，於是他們年紀輕輕的都有機會上位，而曹Sir更直接了當的說，他那一代香港人，一口氣的把之後兩三代人的錢都賺光了。" 看來, 師兄第二句指出上一代香港人把幾代人的錢賺光了, 反過來證明第一句當代年輕人需要靠父幹的原因！ |
|
58. Sayaka 2015-06-11 10:27:47
|
|
現代社會太多謊言了，剛剛踏出校園的年青人是很難適應的，細心想想，現在的香港廢青和美國７０年代的嬉皮士都來源於年青人對前途的迷茫所造成，嘅然看不到前途那就徹底廢吧！ 這應該就是他們的心聲了，很可憐的一班人．
|
|
59. 路人W 2015-06-11 10:38:24
|
|
我一向唔會罵上街的年青人廢青，因為用廢青來形容廢柴不恰當．
|
|
60. 回 54 2015-06-11 10:58:16
|
|
你真搞笑，依家能買樓或換大樓的人鄀沒本事？
你又知唔知在地產和股票市場淘汰了多少人才有老施和肥曹？
物競天擇，適者生存。 |
|
61. 怒苦炒魚柳 2015-06-11 22:46:50
|
|
|
|
|
62. 怒婦炒魚柳 2015-06-12 00:48:09
|
|
|
|
|
63. 睇得通 2015-06-12 01:37:14
|
|
林奮強的高見??? 一位沒有遠見的人!!! 一上場就賣樓,倒自己米,有何高見??? 我補充講一講作為一位香港小市民的感想: 作為一位受到行政長官賞識,獲邀請加入行政會議的成員, 沒有忍辱負重的抱負, 就是樓價下跌,亦要負隅頑抗, 與全香港市民共渡難關, 支持行政長官的工作到底, 不是中途做逃兵......只顧跳船而去......
|
|
64. 小小業主 2015-06-12 09:02:01
|
|
63 樓睇得通兄說得好， 不過小弟覺得他有遠見但冇執行力。明知是熱㕑房，因小小事就退缩，除非有痛腳被人揸手，殊為可惜。 不是替cy 講好說話，習大大說他疾風知勁草可不是假的。 無論政改通過與否，真心希望香港能重新出發。2016 區選，可能是香港最後機會，望大亂得大治，共珍之！ 補充: 小小意見，不喜勿插，哈哈！ |
|
65. 怒苦炒魚柳 2015-06-12 09:38:50
|
|
63樓睇得通 vs 仲達弟 「只顧跳船而去.....」Good👍 「乃香港人福氣」拿^_^凸 |
|
66. 好多事 2015-06-12 11:04:47
|
|
to54樓照鏡哥 施永青簡單直接的説，他那一代人的上一代都打仗死了，於是他們年紀輕輕的都有機會上位。施生真係好直接的説，年青人要抓緊機遇，都有上位機會。而你又真係好簡單的諗，望上一代的人早死早着，好讓出位置給你上，拜服。 至於曹仁超就直接了當説，他那一代香港人，一口氣把之後兩三代人的錢都賺光了。勉勵無父幹的香港新一代，要腳踏實地由低做起，幹一番事業。揶揄他那一代香港人，居然有人無賺到多一塊錢，沒給年少輕狂的人留下什麼，只遺傳了他的＂廢＂。 |
|
| |
|
|
