我感覺自然界有定律嘅, 樹木唔會無止境地, 長到天高, 肥豬唔會長到大笨象…………
與自然界唔同，世界央行喺可見的將來，會不斷咁增發貨幣，就以每年「係咁2」印多十%計，由1973年到2022年，你一蚊會变成106.72 蚊，如折算喺 1973 年你以 10 萬買層楼，到 2022 年可能值1067.20 萬！！！！
可能有人立刻話，既然亮劍條友仔都話QE持續，咁我立即借財仔飛撲，咪執輸行頭！
但呢個世界仲有樣嘢叫「地心吸力」，在97~03 年有班兄弟，就係聽D唔聽D，引致爆廠收場。
我用翻 1973 年作起點計，每年以 1 成複利率計算， 到1997 年咪最多升 9.85 倍！
折算在 1973 年以 10 萬蚊買層楼自住，即 1997 年，理論上計呢層楼，只值 98.50 萬大元！
但你班大哥就喺當時，以溢價 3 倍，即 12 年後即 2009 年價的 309.10 萬掃貨，喺咁嘅情況下，你怎能不做羊古？？
有人可能講，你亮劍唔通有天眼通，預知各國央行會印鈔不斷？
呢下就要看各先進國家的人口結構，呢D國家大多数最多人口的年龄層，都處於40~49 歲，人口红利即將或已經耗盡，打後 20 年呢D國家，會面對人口老化問題將唔係乜嘢秘密。
這些先進國家，人民食慣用慣嘆慣，你D政客叫選民節衣縮食去解決政府財政問題，是否跌壞個腦？
但就業人口減少、退休人士攞福利的擔子日增加重，請問有何良策去解此死结？
不要给我亮劍批死，各國最终都是殊途同歸，就是開動印鈔機狂印鈔票，或政府於各銀行的结餘户口在尾尾果個数加一個零，除此之外别無方法！！！
每年增發多一成貨幣供應畀市場，已經係最低消費啦……
