我同屋企人做建築夾埋都有幾拾年，點解香港建築費用會貴過人，係有以下原因：
1 香港起嘅私樓，係有裝修嘅，連廁所都上曬雲石，天然石窗台拾呎乘兩呎可以一件過，係唔係＄？人家是清水房或者只有簡約裝修。
2 最近幾年建築工程要整好多餅，乜嘢職安健，安全主任，真的使唔少！
3 香港山多，而喺钭坡起樓，建築費會貴啲根本係常識！
4 香港地地少，為了爭取空間，所以啲樓爭相向高空發展，咁起得高，建築费自自然然比起兩層嘅貴。
5 香港建築條例多如牛毛，而且嚴到九彩，我記得屋企人話過，要是香港嘅樓做少兩叄成沉箱工程，结構係冇乜重大影響嘅。
6 呢幾年有啲打靶仔整親手指尾，都可以簽倒半年病假紙返來，那保險公被揾笨之後，自然引起連鎖反應，勞工保險因而加到阿媽都唔認得！
7 港樓為防颱風吹襲，又要抗埋震，呢兩年扎到D扎鐵佬媽媽聲，講翻建築條例，因為香港跟英國嗰套，專業人士幾拾年來起樓都係跟隨英國那一套，因此選擇有局限，例如電掣箱畫則係乜乜實實標準，则師佢冇講邊隻，但合符要求只有一隻，當然價格係同類嘅幾倍啦，而呢啲貨喺邊度先買倒，还要問我嗎？
自從㭍捌年前開始，香港新起私樓，為了要迎合同胞口味，因此話之你喺邊處，全面豪華裝修。現在叫起手要求發展商再起一啲實而不華嘅樓，有困難囉！
