好希望呢排有小朋友讀緊書嘅家長，大伙兒有睇「 K 寶」嘅「原來孩子係天才」！
同時我要求 CY 處理教育政策嘅團隊，務必問「 K 寶」借呢個節目翻去重温最少三次！
然後開一個集合各教育行業持份者，家長學生代表及教育政策制定官員三方嘅腦震盪會議！
香港嘅基礎教育，以填鴨式教育聞名，如果要陪養小朋友做專業人士、公務員、中高層管理階層作目標，肯定無懈可擊，但呢啲人畢竟係小數，咁其他讀唔成書嘅學生點攪？？
根據哈佛大學心理學家霍華．迦納(Howard Gardner)的理論，每個人都具備有多元智能的潛力︰
1.語言智能(Linguistic Intelligence)… 運用口頭語言或書寫文字的能力。呢啲小朋友係大過左之後，會成為專業人士例如律師！
2.邏輯-數學智能(Logical - Mathematical Intelligence)…運用數字和推理的能力。呢啲小朋友係大過左之後，會成為專業人士例如會計師！
3.空間智能(Spatial Intelligence)… 視覺空間的感受及表現的能力。呢啲小朋友係大過左之後，可以成為導演、攝影師及設計師，但香港教育制度下，拒哋條路好難行！
4.肢體-運作智能(Bodily - Kinesthetic Intelligence)… 善用身體及雙手來表達及運作的能力。呢啲小朋友係大過左之後，可以成為運動員、舞蹈家及演藝人，但香港教育制度下，拒哋條路好難行！
5.音樂智能(Musical Intelligence)…察辨、表達及創作音樂的能力。呢啲小朋友係大過左之後，可以成為音樂家、作曲及演藝人，但香港教育制度下，拒哋條路好難行！
6.人際智能(Interpersonal Intelligence)…辨別及回應他人情緒意向及感覺的能力。呢啲小朋友係大過左之後，可以成為領袖或從事人事管理，但香港教育制度下，拒哋條路好難行！
7.內省智能(Intrapersonal Intelligence)… 能自我省思並區分自己情緒的能力。呢啲小朋友係大過左之後，可以成為領袖或從事照顧弱小嘅工作，但香港教育制度下，拒哋條路好難行！
8.自然智能(Naturalist Intelligence)… 對自然環境景物的興趣及察辨能力。呢啲小朋友係大過左之後，可以成為科學家，但香港教育制度下，拒哋條路亦好難行！
在香港現今教育制度之下，除左語言智能及邏輯-數學智能之外，其他六種智能全被抹殺及乏略，即係如果你唔能夠在主流學校脫熲而出，咁你就會成為一個失敗者，咁話之你有乜嘢智能都無用，請問大家認為合唔合理先！！「 K 寶」嘅「原來孩子係天才」，係講一個心理學者，拒專去小學揾啲表面上平平無奇嘅學生，然後加以訓練，最終幫啲細路發揮出拒哋嘅潛能，增强拒哋嘅信心，這叫「因材施教」！借問香港嘅學校有做嗎？
教育最終目標係乜？我真係迷離撲朔！！！
