財爺你話 09 年初到現在升左 7 成多，咁調翻轉頭講，你潛意識係唔係想樓價要回 4 成多，翻番去 09 年初嘅起步點你先滿意？
係度借問聲，如果回 4 成叫做合理價，咁點解幾年前當樓市仲係混沌一片嗰陣，那些有自住需要嘅買家唔飛撲入市？？
09 年中嗰陣銀行係地產代理度派曬單張拉客，樓按講緊H+0.7樓下、又可以揸住 5 個 % 首期就上倒車、而當時仲有大把樓只係百零萬就有交易！！
買層 2百萬樓下嘅樓，首期連費用十多萬，分 30年供 7千銀有找，其中利息支出 2千都無，請問拒哋等緊乜嘢？
有咁多著數都唔上車，証明當時拒哋係：-睇錯市、無迫切需要置業、無首期或連每月幾千銀都供唔起！
而你依家就算夾硬整低樓市 4成，唔通拒哋又突然間可以有首期又供得起嗎？你要知道首期及供樓利息呢兩範嘢都起左個 double囉喎！！
致於人哋睇錯市，要所有小業主埋單，對這數年間千千萬萬，含辛茹苦買樓自住嘅人公平嗎？
又對嗰啲做過負資產，依家等到頸都長先見到吓入市價位嘅苦業主公平嗎？
我哋話曬都俾過成千上萬，以致數拾萬嘅交易印花稅，仲未計政府變相抽取我哋嘅地價稅(其實係稅嘅變種) ！
