如打算長期在香港發展，便有真正住屋需要。李嘉誠過去多次提及買樓自住，只要計啱數，有足夠供款能力，就可以買。
大城市樓價從來不會平。10多年前，台灣經濟差，但台北樓都唔平。故香港、北上廣深等大城市長遠樓計都唔會平。
當全世界政府繼續濫發鈔票，實物價格就會升，經過10年20年後，你就會覺得今日樓價係可以接受。
如果你已經係中年人，要考慮多一點，當你年紀越來越大，就借唔到長年期按揭，到時支付的首期就更多，買樓的門檻會更高。
當有足夠供款能力，及時置業還有一個好處，就係隨時間推移，因為通脹而導致租金上升，固定供樓還款將會慢慢比同期的租金更低，供樓比交租更輕鬆。
請不要執着於自己預視樓價見頂或見底的能力，貪威、認叻、或過份計算得失，對個人理財有害。
我哋要承認自己沒有足夠的預測能力，我哋能夠做得到的，就係買物業時想像一下如樓價下跌，自己能夠避免跌入財務危機嗎？會否因過度借貸而出事？我買的物業抗跌力會否好一點？
能想像到如何在壞的情況中保護自己，縱然日後樓市真係下跌，便視供樓為一個長期的儲蓄計劃吧（甚至當係買儲蓄保險）。到供滿物業時，這絕對係一筆不可小覷的財富。
但如今早已湮沒在歷史的塵埃中鮮為人知。那個時候