地產博客
瀏覽人次:11901    回應:5
天馬縱橫

茶酒一味

 

陳增濤

Délifrance 創辦人
2023年4月29日

  神州大地一放開疫情防控,就趕集咁返大陸。今次一個多月嘅時間,在景徳鎮出發,先去福建探茶山。去福建西北嘅武夷山,有北京朋友交待當地茶莊招待,雖然話唔系官老爺嘅紅地毯,有車接送又有茶道招呼,慳咗唔少時間又歎茶享受時光停落來嘅清福,在香港咁大嘅一個國際金融大都會,真系一種冇法想像嘅幸福。當地武夷山學院在我短短嘅逗留時間叫我即席揮毫,講外國嘅茶酒文化,唔想違背好意,唯有漏夜備稿製作 PowerPoint。宜家內地學院設備齊全,連學生都可以隨時幫手搞定。

 

  講起武夷山同歐洲嘅關係,當然是跟武夷山嘅桐木關有緊密嘅關係。十七世紀初明朝末年,因戰亂兵燹,當地茶農用松木來烘乾過度發酵嘅茶葉,將佢賣俾荷蘭商人,殊不知自己不要嘅茶葉竟然跟英法兩國大受歡迎,只是東方唔亮西方亮,從此 Lapsang Souchong 閩語嘅音譯就變成咗好茶嘅代名詞。更想不到的是紅茶貿易成為咗鴉片戰爭嘅源頭,大清王朝政權嘅愚昧亦導致咗印度 Darjeeling 同埋斯里蘭卡紅茶嘅快速發展,世界上最大嘅茶公司宜家竟然是英國嘅 Lipton,真有點不可思議。後來又有朋友盛情安排咗去寧夏逛酒莊嘅行程。每日去四個酒莊一共去咗十二個酒莊,同埋酒莊莊主或釀酒師詳細傾當地葡萄園嘅風土,品嘗咗酒莊唔少唔同品種嘅紅酒。想不到的是十年來寧夏嘅酒莊數量出現咗爆炸性嘅增長。估計十幾年之後,寧夏賀蘭山東麓貧瘠嘅山腳會出現好幾百家新嘅莊園。從外國引進嘅葡萄品種好似赤霞珠、馬瑟蘭同埋夏多麗等等將來都會散發出華夏特色嘅異彩。

 

  在武夷山學院受邀講《東西方的茶和紅酒文化中的創意經濟》,感歎茶酒一味,就是話從觀色、鼻聞到口感兩者都好相似,茶產自中國但是左右世界市場嘅系歐美公司,品牌亦都是一樣。今日寧夏葡萄園嘅發展,是否會發揮後發優勢,有一日釀製紅酒大師同埋品酒大師都出自神州大地呢?且拭目以待吧。

 

 

 

 
我要回應
我的稱呼
回應 / 意見
驗証文字
 
回應者名稱
密碼
1. 好的水 2023-05-03 19:17:36
今日寧夏葡萄園嘅發展,是否會發揮後發優勢,有一日釀製紅酒大師同埋品酒大師都出自神州大地呢?..........

寧夏及西北地區必須要有良好的水源供應,才能有豐盛的葡萄園......
2. 元 2023-05-05 09:34:29
正常想法,明清茶叶几个月先运到欧洲,龙井,铁观音都变咗旧茶。红茶明显易运,久存。

再加上,西人加奶,加糖,茶只是配料。

我国年產290万吨茶,出口只有30万吨。 内部消费很大。 

近年搞扶贫,云南,贵州很多山区也种茶,但内部市场很难再扩大,所以很快会打到国际红茶市场。

个人始终认为,铁观音是茶王。 香且甘!
3. 引刀一快 2023-05-05 16:48:30
去到寧夏,除咗紅酒,一定要食羊🐏,寧夏、甘肅、青海嘅羊,南方好難有同級水準。
廣州寶漢直街,最靚羊肉,就係寧夏佬開嘅。
4. 陈增涛复 2023-05-05 17:52:40
引刀一快先生:在宁夏不到一个星期里,多次当地酒庄请吃饭。希望吃到好的羊肉菜,结果令我相当失望。初步的结论是这里的人不大会做菜,否则是还没有碰上好歺舘。
5. 引刀一快 2023-05-07 03:29:59
陳教授:

可能呢片土地嘅神明想你再光臨,今次先用紅酒滿足你,下次再滿足你吃羊。

4月下旬我喺鄭州,交流會地點非常山旮旯,幸當地有回民經營羊肉小店,羊肉菜式唔算多,但係質量同風味相當唔錯,似乎齋月同出品冇乜關係。



陳教授下次去寧夏,祗要幫襯嘅係回民開嘅餐廳,相信一定會如願以償,食到靚羊。