需求量是否澎湃 - 地產博客 - 科一物業資訊, 地產資訊, 物業放盤及成交紀錄
地產博客
瀏覽人次:18812    回應:6
文亮語
需求量是否澎湃
 
湯文亮博士
紀惠集團行政總裁
2018年2月14日

  一向以來,大家都知道樓價飆升是因為供應不足,這亦是無可否認的事實,亦是一眾評論員認為樓價上升的主要原因,但如果供應充足,樓價會否下跌,原來又不是,經過政府多年努力,未來一段時間,供應不但充足,甚至會出現供過於求,評論員沒有否認這個事實,但他們認為即使供應充足,樓價仍然會上升,因為需求量澎湃,老實說,如果供應追不上需求,就是供應不足,政府要加大供應量,所以,在供應充足之下,今年樓價仍然可以上升10%,這是一個非常矛盾說法,不過唔知點解,大多數人又會接受。

  我認為關鍵是需求量是否澎湃,其實,需求量與樓價有莫大關連,如果樓價是市民有能力負擔,則多多都唔夠,但現在大家公認樓價與市民購買力脫節,港大做過一個調查,只得3%被訪者認為是買樓好時機,結果顯示需求量是嚴重不足而非澎拜,如果需求量澎湃,地產商又何需要推出什麼呼吸plan,高成數按揭,7.5%首置上車計劃,在極力促銷之下,去年亦只能賣走大約70%新樓單位,現在市場上是否需求量澎湃,大家應該可以自行判斷。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 真真薯片 2018-02-14 12:55:06
需求會受大環境影響而改變, 例如股市, 按揭成數

而供應就由地霸掌握, 地霸可以睇住個需求改變供應量, 你縮, 佢縮得更勁, 造成表面既供不應求, 代價係貨尾累積

地霸起樓賣樓無非都係要賺錢, 囤貨自制供不應求賣高價, 如果地霸投塊地本來目標係賺30億, 結果賣8成單位已經成利潤達錶, 剩底兩成掉左佢都冇所謂, 何況可以擺係資產表入面年年升值, 增加上市公司盈利, 仲可以幫正苦增加“長期潛在供應”, 幫正苦既供應數字達錶, 隨時贏埋大紫荊勳章, 所以囤貨自制供不應求, 大家都好, 只係對等上車既人唔好
2. 淘大尺價直撲2萬元 2018-02-14 13:08:33
啟德新盤高價開盤效應,撻著東九龍二手市。牛頭角淘大花園特色單位,屬上車客熱捧200餘方呎迷你戶,成交實用呎價直撲2萬元,創全區細價屋苑二手價新高,僅約兩個月,該屋苑呎價紀錄被推高約15.7%。

九龍細價樓越升越有,今年又是淡友們傷心失落的一年。無盡的等待中,希望租租们过年有錢交租。


3. 井 2018-02-14 17:05:24
剛出售兩幅啟德地皮的海航,再被評級機構標準普爾下調信用評估。

標普在不足三個月內,第二度下調海航信用評估。

最新降至 CCC+,指海航在流動性惡化的情況下面臨大量債務到期。

不過海航就指,集團財務非常健康,管理層更在市場購入公司債。




係香港賭手指,而家賭大左冇錢比,要問4叔,,,
4. 巴 2018-02-14 19:31:07
需求量係3%,供應量係不足1%(20,000*3/7,000,000),

需求比供應多3倍。

樓價怎能下跌? 多謝政府的x固樓價措施。

惠及地產大亨,惜售。

為何供應一定要是20,000
不能3,4,5萬。冇地咪拿拿林填海...
拖左好多年。

5. To:4樓 2018-02-15 09:07:05
你一話移山填海,就會有一班無意識人形錄音機走出來大叫150,150,150⋯⋯⋯⋯

有趣的是,這些無意識人形錄音機大部分都冇樓,佢哋彷彿唔知道自己就係受害者⋯⋯

你地話唔起咪唔起囉,我傻牛大把細價樓出租



🐮

6. 引刀一快 2018-02-18 01:22:22
傻牛就係正牌無意識人型,講樓價跌就自動跳,講環保又自動跳,講生態又自動跳。

傻牛彷彿唔知自己講緊乜,訪問對象如果包埋細路仔,你估有冇3%話依家係買樓時機?