地產博客
瀏覽人次:1975    回應:6
文亮言
我的馬來西亞收樓之旅(2)從到埗到酒店
 
湯文亮博士
紀惠集團行政總裁
2019年3月22日

到埗

  航機準時抵達吉隆坡國際機場,入境快到不得了,五個人平排直行直過,以為可以早些食午餐,誰不知五件行李,有兩件竟然留在香港,冇上飛機,當地工作人員掃描一下行李牌,就已經確定行李仍然留在香港,反而香港方面仲要左check 右check ,真的唔識講,本來問題不大,但當晚有宴會,衣著不合禮儀,到晚上行李送到酒店。

萬利肉骨茶

  午飯訂了肉骨茶,我相信不用多介紹,比快餐好一點,不過餐館的名字有些特別,叫萬利肉骨茶茶餐廳,又係茶餐廳,導遊問知唔知點解叫萬利,我當然知道,幾十年前,南洋有隻廣東歌傳到香港,叫「曼莉曼莉我愛你」,自此之後,星馬一帶,有不知幾多商店叫萬利,導遊話我咁都知。

馬來西亞官方介紹

  馬來西亞政府方面,可能知道我到來,派了三位官員與我見面,介紹吉隆坡,原來現在什麼也變大,吉隆坡變大吉隆坡,不過只比原有的大了33%,地方大了,投資機會當然多了,我問官員知不「大」是什麼意思,因為我們有大灣區,官員們可能知,不過他們話唔知,「大」其實是融合,或者霸道一點講是侵佔,講了一小時,結果是在吉隆坡的最佳投資是房地產,當中又以買地為佳。

登機証的妙用

  今次入住Ritz-Carlton,我不會用奢華來形容,應該是非常典雅,高貴,多年前我去星架坡公幹,將登機証掉了垃圾箱,晚上回來見放在枱上,第二天再掉了,回來又見到在枱上,走去問禮賓部,佢話服務員會通知禮賓部,對於坐商務或者頭等住客送上生果及小點,自此之後,每一次我都會將登機証放在枱面(待續)。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2019-03-22 09:58:02
講中重點、人地變大3成3話咁易、香港要變大3%都好重皮…就算想更有効率使用土地、都大把唔同心態嘅閒人…喺度吱吱咗咗 !  需求與供應…做生意ABC…投資地產…邊度好得過香港吖 !

2. 湯瑪斯 2019-03-22 10:20:08

曼莉曼莉我愛你」我記得呀!男主角呂奇,女主角陳寶珠。戲裏面呂奇邊行邊唱:「曼莉妳在東、抑妳在西?我未知......」(應該係鄭錦昌幕後代唱)。大概係1970年代初既電影。我家姐帶我入戲院睇,當時我只有十歲八歲。

四十幾年前既電影我竟然印像咁深刻,應屬經典之作。我重好記得我家姐後來係公展會向寶珠姐索取左兩張簽左名既相片。嘩!寶珠姐長髮披肩,瓜子口面,眉清目秀。仙女一樣!十歲八歲既我已經知道甚麼叫靚女。

3. 大陽春 2019-03-22 13:59:12
同意一樓。講到投資地產,香港的確是全球最佳選擇。息口低,liquidity 高,租金回報合理,港元冇𣾀價風險,冇外匯管制,冇資產增值稅,土地供應確保不夠。

連車位都嚴重短缺,因政府詢衆要求打擊發水,所以發展商只好大幅降低新樓的車位比例。結果反而炒起咗全港的車位。我大圍有1打半車位,半均入貨價二十幾萬一個,現在已經升到百四萬一個。

政府亂出招,居然都成為利好因素。香港眞的是個low tech low 野的地産港。
4. 引刀一快 2019-03-22 14:01:20
money money我愛你!
5. 真真薯片 2019-03-22 14:21:07
刀兄好波
6. 新抱仔 2019-03-22 14:57:50
登機証也有用?😂thx for sharing ❤️