地產博客
瀏覽人次:4378    回應:3
敢說亮話
茶餐廳亂話(427)Botox 出事,名媛大媽大鑊了
 
湯文亮博士
紀惠集團行政總裁
2018年11月16日

  今早去到茶餐廳,有做醫生的熟客被幾位名媛大媽圍著,不停地問打Botox 有沒有危險,可不可以停止打,名醫很老實話,任何醫療藥物都會有危險,不過,如果不過量,危險性也不太高,當然可以唔打,但唔打之後將會樣衰過以前,一下子會老了20年,講完之後被那幾位名媛大媽媽到飛起,甚至話名醫冇醫德,為了賺錢乜都肯做,那位名醫好似落水狗一樣,我亦愛莫能助。

  幾位名媛大媽走了之後,我同佢講,做人毋須咁老實,可以同她們講,趁現在還沒有出事就應該立刻停止,過去幾年青春就當Botox 送給她們,我擔保不出一個月,那班名媛大媽見到自己個樣衰過以前,就算明知要死都會打,醫生是番書仔,未聽過女為悅己者亡,醫生話明白,一於照做,唉,其實打Botox 嘅嘢,是冇得返轉頭,既然結果都是一樣,倒不如做下好人,叫那一班名媛大媽唔好打,她們以後再打就貴客自負。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2018-11-16 13:59:17
男人光頭、女人皺紋、幾大搏一搏。

2. 引刀一快 2018-11-16 15:25:14
博士係咪隱喻印銀紙?
4. HKY 2018-11-16 19:58:37
事實係: 用家由始至终只会選擇性相信她所相信的事 !不用告訴危險與否,因他們當時已聾了!
( 像樓價瘋狂到 發癲的時候 ,博士怎樣不斷勸解,用家 反應一樣,聾左!  )