茶餐廳亂話（485）樓市好友淡友亦有相同睇法

　　今早去到茶餐廳，老闆話原來睇好睇淡樓市的人亦有相同睇法。他們同意現在的樓市是最沒有防守能力的人買最貴的樓，睇法雖然一樣，但意義就不同。好友話唔怕，市場上還有很多沒有能力的人，代表樓價會繼續上升。淡友則提醒沒有能力的人不要現在買最貴的樓，不過，最貴是很難作出合理定義，如果有人繼續以高價買樓，最貴就會變成不貴，已經買樓的人就會是贏家。但如果沒有人以高價繼續買樓，而已經買樓的人若果沒有防守能力的話，很可能變成輸家。所以，好友淡友對樓市雖然睇法相同，但結果則大不相同。

　　老闆可能不明白，投資物業是以防守為主，就算樓價一直上升，但如果守唔住，最終都會變成輸家。大家都叫我做大淡友，但我並沒有叫人唔好買樓，只是叫那些未夠資格的人在買樓前要考慮清楚，好友亦會作出同樣勸籲。他們一面唱好樓市，一面會話量力而為。倘若樓市下跌，勉強上車的人守唔住，他們仍然會講，早已叫大家量力而為。