地產博客
瀏覽人次:25201    回應:18
敢說亮話

茶餐廳亂話(438)退休生活後的基本要求

 

湯文亮博士

紀惠集團行政總裁
2018年12月8日

  今日天氣非常適合跑步,昨晚已經跑了5公里,今早再跑5公里。攰到不得了之外,還很肚餓,在跑步時已經諗緊食什麼早餐。去到茶餐廳之後,老闆話不如整一個經典英式早餐給我。在我飲咖啡時,老闆問退休後要過怎樣的生活,因為有一個熟客話手上的退休金不足生活20年,所以他要作一些高回報投資。誰不知高回報代表高風險,唔夠半年,退休金已經唔見了20%。原來那位熟客有退休金2,400萬,不過他們兩夫婦每月要用10萬。如果唔投資,或者只作一些保本投資,退休金只可以維持20年,所以買入一些高息產品。但投行的人話受中美貿易戰影響,他買的產品價格不斷下跌,現在已經唔見了20%。如果要斬纜的話,再唔見多20%,問我應該點算。老實說,我不敢俾意見,那些投資專家最叻的一件事,就是客戶退出,他們就會話如果唔退,現在就賺大錢。如果客戶繼續持有,結果是繼續輸錢。外人的確不宜俾任何意見,我當然不例外。

  那位熟客有一點麻煩,就是他仍然租樓住,每月10萬使費之中,包括2萬租金。其實,在退休後首要條件就是有一層屬於自己樓宇,將生活費降至最低,儘量利用政府保貼,除了兩元交通費之外,就算去澳門,來回都唔需要80元。其次是飲食,不能夠與退休前一樣,偶一為之還可以。朋友們都應該明白,絕對不會介意。現在香港人很長壽,甚至是世界第一。一般來說都有90歲,60歲退休,20年的生活費真的是不足夠。所以,在退休初期,或者可以做一些散工。由全退變成半退,多做5年,生活費多了,退休就會變得輕鬆。不過,使費還可以控制,千祈唔好胡亂投資。輸左就算,千祈唔好諗住番本。退休後的生活其實是可以過得很精彩,我都想退休,可惜還未可以實行,還要儲生活費。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 投行的人話受中美貿易戰影響 2018-12-08 11:18:57
投行的人真係有良心, 不過戰役唔係完左啦咩?
2. 十郎 2018-12-08 12:31:23


      做乜野投資 ? 輸完20% , 褪車太都要輸多20%。我猜是保險公司的30年基金 , 因為未夠30年退保 , 要比足30年的管理費。馮仁坤做唔少。

      如果呢個case輸40% , 餘下的本金要賺67%才可以回本 , 佢地咁既投術 , 點算 ?

3. 保險公司的30年基金 2018-12-08 13:03:52
不一定, 去銀行都有理財產品, 佢咁啱夠三球美金, 哩啲產品提早贖回可以任佢開價收費, 話時話, 而家去做定期, 都會被 sell 一大輪買返兩球, 你哩樣唔買佢 sell 你第樣, 我睇吓本哺鬆牙, 都係啲拉雜成軍嘅野, 都廢事同佢深入研究教返佢轉頭, 定存到期時對返價位, 推介最穩陣嘅產品都蝕左定存息之 double, 講緊係兩球只佔定存之某一百分比矣, 唔話佢靠害已經宅心仁厚。
4. 現實 2018-12-08 13:27:24
利大本無歸,貪字變個貧,現在金融服務業都是偏門行業了。
5. 十郎 2018-12-08 13:53:55


      兩公婆有2,400萬都咁騰雞 ! 好多人一半都冇 , 呢d就係杞人憂天。水我買呢樣買果樣 , 生死攸關 , 跳脫衣舞都不為所動。佢地每年支出120萬。

      1------擺銀行收3厘息(利息有高低 , 30年平均計)得72萬 , 兩人收政府生果金共3萬。即係年收75萬。

      2------年支120萬減年收75萬 , 每年消耗45萬 , 加埋通脹同突發共50萬吧。用普通算術計都可以用48年。

      3------兩個退休人士用10萬蚊一個月 ? 除2萬租金2萬外 , 使8萬蚊 ? 
我諗佢地供緊野 , 唔會供咁耐掛 ? 供完就唔會咁猛猛緊。

6. 望東樓 2018-12-08 14:13:25
冇咗廿個巴仙嘅貨成街都係,不過需要畀多廿個先至甩到身嘅就比較經典。啱啱個RM就介紹咗隻貨俾我,五年總回報四十巴仙,可惜身邊無流動資金。。。不過如果同一件貨早幾個月買咗而家就冇咗廿個巴仙。
8. HKY 2018-12-08 21:35:37
 強烈建議:
 生平從來不 投資的人, 千萬不要到退休的時候, 人說你應該投資, 你就盲目去投資, 這些人一定是負責賠輸錢的! 保守點, 節儉一點 , 樸素一點 ,才是上上之策!
( 我冇資格講: 但 保守一點, 對於退休人士來說, 至少保平安 和晚上瞓得到較)!
9. 香港土著 2018-12-08 22:49:56
哩個個案太離地。開支分布異於常人。
10. 鐖鍏 2018-12-09 09:06:10
專家是市升時睇升,市跌時睇跌,市埸大把,明燈就絕無僅有,要尊重
11. 鐖鍏 2018-12-09 09:06:14
專家是市升時睇升,市跌時睇跌,市埸大把,明燈就絕無僅有,要尊重
12. 引刀一快 2018-12-09 10:29:09
冇提到2400萬之外,仲有冇積儲,咁多退休金,又冇積儲的話,又有每月有十萬蚊駛費嘅要求,按一般推斷月入就係十萬左右。
唔知依家有冇人建議佢買樓收租?
13. 自我陶醉 2018-12-09 11:42:45
引刀兄,

我估博士係講呢單:

https://hk.finance.appledaily.com/finance/realtime/article/20181208/59003075

呢單嘢擺明係流料,疑點如下:

1. 一時又話一年前,一時又話16年,前言不對後語
2. 月花十萬,租金才萬八,比例不合理
3. 16年投資,17年升到阿媽都唔認得,又唔見佢提?
4. 既然係兩三年前,點解呢一刻先攞出嚟講?
5. 炒得衍生工具嘅人,賭性都有番咁上下,上落20%, 佔整體資產比例亦唔高,根本就好濕碎,點會大字標題。

目的? 點解咁啱又配合某些人推盤時間,唔通要影響別人投資取向?係咪暗示你有錢就買樓,唔好買其他? 

點解呢樣唔見有學者寫呢? 太古城兩房,1073萬成交,比早前唔見3球幾,摸頂買家帳面輸2、3成, 加15%辣稅,輸足4成,要攞番錢,仲要俾多筆額外印花稅,慘! 慘! 慘!

14. 向泛民说不 2018-12-09 11:54:25
自醉,83年,英國鬼和中國談判時候,出了一招破壞香港繁榮,當時股匯,房地產三殺,以為會嚇親中國。點不知道英國鬼後來發現自己更受傷,最後妥協的是英國鬼,香港班港獨狗被英國鬼出賣。
15. 望東樓 2018-12-09 13:32:02
自醉兄,以佢嘅資產分佈應該係以加拿大做老家,每年返香港住返六個月過冬。理論上俾兩皮租間second home似乎合理,不過住慣加拿大嘅大大屋返到嚟踎間咁細嘅屋相信非常屈就。

以六十幾歲,有三十幾球嘅net worth,只要投資平均回報唔跑輸通脹,而家一年使百二萬(並跟隨通脹每年增加),都夠搣到九十幾,加上香港同加拿大嘅醫療系統都幾好。結論係呢個喺可持續嘅生活方式。不過佢哋最需要嘅反而係分散好風險,咪無拏拏一個浪冚埋嚟就收工。所以應該玩資產配置。
16. 十郎 2018-12-09 13:48:24


      最可疑係佢地識得驚就唔識得慳 , 所以我唔提議佢地買乜買物 , 唔提議佢地慳慳地 。單從財務安排都可以過到100歲。

17. 向泛民说不 2018-12-09 14:14:54
自醉,今次中美冷战,加上泛民港毒黄狗日日叫制裁香港,有可能出现83年做worse case情景,那就是楼股汇三杀,你准备好未。
仲有,老美发现香港作为金融中心而不受美国控制危害美国霸权利益,估计真系会出手,泛民黄狗比了借口比美国鬼。点好?
18. 自我陶醉 2018-12-09 16:02:41
東流兄說得對,合理資產配置絕對係穩健投資的第一步。 老實講,呢篇嘢我都唔多知佢噏乜。一時又話攞住1000萬回流,一時又話加拿大有1800萬自住物業。回流仲要自住樓做咩?

1. 如果係加拿大藉,政府退休金加埋合理投資回報都夠洗過世,冇咩要擔心。

2. 既然回流,加拿大間屋唔賣又唔租,證明都好唔等錢洗,輸二百萬算係咩!

3. 退咗休散洗都8萬幾一個月,證明對生活都有些少要求,加拿大自住樓都值1800萬,回流香港的話,萬八月租可以租得咩樓? 點會接受到? 如果唔係長住,又點解要租樓?

總之疑點重重,唔知佢搞咩!

19. 自我陶醉 2018-12-09 21:03:37
17 樓 向飯

我點知你點好,有價你又唔走,可以怪邊個? 一早話咗樓市風險在流通量,即係有咩唔對路,就會出現恐慌性崩盤,正如隔離磚家話一盤戇二手沽嘛!樓神剛剛先話明年跌兩三成,點知信和一個星期就幫佢達標,真係夠老友!

現在唯一可以做係減低個人負債水平,保住份工,祝你好運啊!