地產博客
瀏覽人次:20394    回應:11
敢說亮話

茶餐廳亂話(410)如何令指數回復公信力​

 

湯文亮博士

紀惠集團行政總裁
2018年10月21日

  今早去到茶餐廳,老闆問究竟是報紙渲染那些稍為低價成交,抑或指數有所保留。在這幾個星期,劈價劈到令人心煩,但指數連續兩個星期只是下跌了0.14%以及0.1%。由此來看,只要有些少高價成交,樓價指數又會創歷史新高。其實,這兩日我被不少人問及這個問題,包括一些記者。我覺得很奇怪,樓價指數又不是由我制定,點解唔問升哥而要問我?簡單來說,樓價指數已經失去公信力。不過,制定指數的人為了顧全買樓人士的心理歷程,將指數稍為修飾,為了安定人心而已。

  老闆問如果指數失去了公信力,又有什麼辦法補救,真的是易過食菜。現在大家都質疑在一片劈價聲下,樓價指數跌得少。既然如此,不如將下跌百分比擴大,例如上星期五下跌0.1%,改為下跌1%。兩三個月以後,當樓價指數下跌了超過10%,不但沒有人質疑指數跌得少,反而會有人認為指數公司過份誇大跌幅,要求指數公司小心計算。到那時候,指數公司才修窄跌幅,甚至掉頭回升,肯定沒有人質疑指數公司做假。換句話說,指數便會回復公信力。這叫做置諸死地而後生,不是太多人會明白,就算明白都唔敢做。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 太上忘情 2018-10-21 10:21:36
類似恆生指數,中原指數有其成分屋苑,入選屋苑又名藍籌屋苑,劈價不發生在那些屋苑便對指數影響不大。其次據施生所講,同一屋苑,不同座向,不同高底的單位有調整因子,無理由高層向海和低層是一樣的。
2. 太上忘情 2018-10-21 10:29:43
補充一句,連官方的差餉物業估價署的統計也沒有大幅下跌,很難說中原指數有問題。
3. 太上忘情 2018-10-21 10:29:47
補充一句,連官方的差餉物業估價署的統計也沒有大幅下跌,很難說中原指數有問題。
4. 望東樓 2018-10-21 10:30:10
我唔知中原樓價指數係點計出嚟,不過如果你睇番或者外國樓價指數係點樣制訂你就知道係交投極度淡靜底下,樓價指數係短窗口期內嘅參考價值係近乎零。

假設成個屋苑上星期得一宗成交,該單位十年前買入,期間升值一點五倍(由四百萬升值到一千萬:1000/400=2。5),而十年前該屋苑嘅指數係三百,咁樣該屋苑今個星期嘅指數就係七百五十(300×2。5=750)。如果用再上個星期成交嘅單位計出嚟嘅指數係七百,咁即係話該屋苑嘅樓價指數係一星期内上升五十點,亦即係七個多百分點。

如果今個星期冇成交,咁該屋苑嘅指數應該係維持不變。各屋苑嘅指數(加權?)綜合成區域指數,而區域指數(加權?)綜合成全港指數。

你會話有冇攪錯,咁個指數咪個個星期返晒艇。冇錯。如果你入去佢哋個網睇下就會發現一個屋苑係一個星期內升跌十幾/幾十巴先。如果有大量成交,咁個別成交價所產生嘅噪音可以有效咁互相抵銷。不幸地現今樓市成交量太低。希望各樓好/樓淡耐心等等。
5. 太上忘情 2018-10-21 10:33:39
唔好意思,因技術問題,請板主刪除多出來的重複留言, 謝謝。
6. 太上忘情 2018-10-21 10:33:56
唔好意思,因技術問題,請板主刪除多出來的重複留言, 謝謝。
7. 十郎 2018-10-21 11:52:20


      硬好話樓價堅5會跌既理由 , 是業主持貨能力強 , 而且6成業主係 full paid 。

      這樣股票持貨能力5強咩 ? 股票9成人係 full paid  , 孖展只有10%左右。現在股票從高位跌8,000點或者3成。

      樓市孖展比較股市多 。這個理由不合格 , 重作。



      
8. 十郎 2018-10-21 12:30:15


      人一出生就投入賭博。出生的家庭 , 教育 , 結婚 , 子女 , 做生意都在賭。十賭九騙 , 有弊病就在所難免。

      中原指數跟恆生指數類似 , 我們知道恆生指數可以人為地控制 , 俗稱 " 渣笠 " , 如果推高匯豐 , 企鵝 , 友邦 , 恆指升 , 反之就跌。股市藍籌日日有大成交呀。CCL都有幾隻藍籌 , 出面劈到暈 , 佢就蚊風不動 , 到時一訓醒 , 已經林子祥 " 在水中央 " 。



9. 巴 2018-10-21 12:55:56
留意左好耐,西方日報對於某議題,有好大既定立場

就係反填海

任何反對填海既新聞都都被持續放大
10. 政府指數 2018-10-21 13:08:54
政府公佈的指數也只跌個1%,唔通政府也做假?咁何必出辣招?
11. 公信力 2018-10-21 14:04:12
政府樓價指數這幾年升幅大過中原指數,但實在看不出為什麼香港政府要做大樓價,搞到民怨咁大。