地產博客
瀏覽人次:21788    回應:1
敢說亮話

茶餐廳之世界杯亂話(28)願賭服輸又怎可以算是真漢子

 

湯文亮博士

紀惠集團行政總裁
2018年7月12日

  有老友知道我在世界杯開始前重注買法國奪得冠軍,當時的賠率是1賠7。昨晚法國擊敗比利時,名義上是坐亞望冠,其實有八成機會奪得冠軍。老友話我買了重注,會不會收唔到錢。老友真的是識講笑,馬會多多都賠得起,就算唔同馬會買,我只聽過賭波的人不找數,從來沒有聽過莊家唔賠錢。中國人很明白什麼是願賭服輸,做莊唔賠錢,以後就沒有人會向他們落注,就會變成真正輸家。只有鬼佬稱讚那些願意找數的人是真漢子。

  英格蘭在世界杯8強對瑞典,唔知點解引起口水戰。碧咸話如果瑞典贏波,他會送全屋「宜家」傢俬俾伊巴謙莫域。而伊巴話,如果英格蘭贏波,他會著英格蘭球衣去睇比賽。結果是英格蘭贏波,伊巴在網站中穿著英格蘭球衣話會去俄羅斯睇英格蘭對克羅地亞。報章話伊巴是真漢子,我覺得很奇怪,願賭服輸都算是真漢子。做真漢子的基本要求實在太低,唔怪之得老友擔心法國奪得世界杯之後我收唔到派彩。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 自我陶醉 2018-07-12 13:01:32
成日都聽到博士話人哋係賭仔,自己唔係賭仔,又唔會去賭錢,但上屆重注買了德國,今屆又重注買了法國,莫非都是投資? 

32強時我都重注投資了法國又重注投資了西班牙和巴西:), 我的重注當然比博士輕好多,但現在朋友都說我發達,贏咗要請食飯,真係有苦自己知,希望承博士所言有錢收,到時希望還會有微利。哈哈哈!