地產博客
瀏覽人次:18955    回應:7
敢說亮話
茶餐廳日誌(340)新地點解咁勇
 
湯文亮博士
紀惠集團行政總裁
2018年5月17日

  今早去到茶餐廳,老闆第一件事就問我新地點解咁勇,我以為老闆講雷霆,最近雷神以首置身份買了一個住宅單位,價錢抵到冇晒朋友,原來老闆是指新地以天價奪得啓德地皮,究竟背後有什麼玄機。

  當大家以為是天價的時候,我的包拗頸性格又出來,我認為不是天價,估計其他幾個香港財團出價都差不多,下限10%已經是頂磅,既然大家出價都差不多,又怎可能說新地出的是天價,問題是點解各大財團突然間咁勇,以往就話國內財團炒貴香港地皮,今次沒有國內財團參與,可以說是打吡大賽,一定要有一些特別理由才可以有更做到這個成績,我估計是地產商收到訊息,政府準備推出新樓空置稅,他們不能繼續囤積已建成的新樓單位,唯有積極投地,投不到地的地產商應該有大量農地,他們應該會積極補地價,供應將會增加,老闆竟然話同意,我有時很不明白,我亂講都會有人信。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
2. 不信任何磚家入市的80後 2018-05-17 09:35:22
凡事有2面. 正如股市上, 看淡的大師跟看好的專家, 在同一圖表上可解讀不同原因及信號

大財團點解打到昨日的自己去更高價投地. 我認為只係純碎商業考慮, 今日的高價, 只是他日賤價而矣


3. 真真薯片 2018-05-17 09:43:37
凡事真係有幾面,新地萬八蚊投地,起好起碼要賣五萬,新地有信心賣五萬蚊呎,你估新地會海旋/浪澄灣式拖長黎賣,定係華懋式一Q清賣樓?

如果打算拖長黎賣,咁新地用250投票認為正苦會唔會出空置稅?
4. 龍虎豹 2018-05-17 10:56:23
個人感覺新地高價投地,係要保持市場大好形勢氛圍,令手上貨可以仍然賣好價。

如果,純粹假設,政府可以同時推出十幅地等你班友搶,重有冇咁多破高價歌仔唱?
5. 不信任何磚家入市的80後 2018-05-17 11:05:35
現實中沒有如果

樓價一級一級上, 就是政府沒有同時推出100幅地讓外面搶. 問題就是沒有地, 問題就是政府做到沒有地
6. 天水圍林太 2018-05-17 13:53:26
啟德是黃金地段,萬八蚊呎其實仲有大把水位。政府今次真是開善堂,半賣半送慷立稅人慨,妖!

當你對比返近期 市建局建議收購西營盤60年舊樓呎價破2.3萬 一呎,就知道唔使萬八蚊呎低市價-33%筍到爆。



7. 十一哥 2018-05-17 21:15:53
似夢但又真真、越升個心就越定、有少少罪過感添。

8. 真真薯片 2018-05-17 23:00:57
老實講,除左侵侵玩推冧市之外,我真係睇唔到未來4年有咩因素可以令港樓會跌

不過正常就點都會有冧市既,問題只係幾時同幾勁者