地產博客
瀏覽人次:17644    回應:7
敢說亮話
茶餐廳亂話(200)星架坡人與香港人
 
湯文亮博士
紀惠集團行政總裁
2017年10月21日

  今早去到茶餐廳,老闆話有客人同佢講,香港沒有政治人才,所以立法會變成立亂會,而星架坡在培訓政治人才不遺餘力,所以國民上下一心,其利斷金,並且送上上星期六iMoney 的文章一篇,我話唔想同星架坡人比較,他們連家事同國事都分不清楚,兄弟妺妹不和,未能治家,又如何能治國,不過,星架坡人有一件事的確很本事,就是很樂意批評其他地區政府施政,人民就批評香港,李光耀就批評中國,但對自己國事,連提都唔敢提,我知道那篇文章是由一個星架坡人所寫,如果一個香港人寫一篇星架坡政府不是文章,請問有沒有星架坡雜誌夠膽刋登,當然沒有,因為星架坡傳媒人都知道,刊登了那篇文章,整個雜誌社以及有關連的公司都要結業,工作人員要轉行賣雞飯,老闆會心微笑。

  星架坡人弱項就是香港人強項,我們最叻就是批評香港政府,對於其他地區政府除了中國之外就唔敢出聲,單一聲音並不是政治成熟,只不過是人民不敢說政府不是,沒有反對聲音又何來可以說及政治,我有多少擔心,在李顯龍之後,由一位馬來裔人或者由一位印度裔人任總理,他們提出回歸馬來西亞或者將星架坡變成印度殖民地,星架坡人都唔識得反對,那位客人可能聽到我講,立刻起身埋單走人,老闆大笑。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2017-10-21 09:58:00
要認識香港本質…窗口、另一意義…橋頭堡、係敵我對抗嘅擂臺、衹有歸邊埋堆…冇空位比政治人材、老實D講句真話…都分分鈡兩面不是人、做番本份Casablanca…浪漫熱鬧又型仔 !


2. 浪子心聲 2017-10-21 10:26:42
從政治及法治角度來講,星架坡同香港根本無得比,只有被洗腦的星架坡人先會覺得星架坡比香港好。

再過幾年,由林太領導的香港,連居住空間問題都解決到,明顯星架坡在政治形勢上有走下坡趨勢,到時星架坡同香港更無得比!!
3. 真真薯片 2017-10-21 10:51:45
新加坡本身其實唔係特別叻, 而係佢附近既國家太廢, 所以投資係東盟既外資都落戶新加坡, 造成新加坡好似好好既現象
4. 真真薯片 2017-10-21 10:53:39
再過幾(3?)年, 林太果1000個首置盤應該先開始賣樓花
5. 真真薯片 2017-10-21 11:01:59
有個現象比較奇怪

新加坡同澳門正苦表面比較強勢, 市民唔可以批評正苦, 但係出左重大民生事件, 新加坡同澳門正苦好似比較在意, 總會有高官問責下台, 或者搞補償政策

香港正苦表面弱勢, 市民日日鬧, 基本上任鬧唔嬲, 但係出現重大民生事故時, 香港高官從來唔洗問責, 可能平時比人鬧慣左, 所以出事再鬧都係任鬧唔嬲, 我行我素, 好官我自為之, 市民聲音可以不理

可能平時冇點比人鬧, 做錯野時反而會驚, 相反日日比人鬧, 就知其實市民訴求係可以不理, 到底邊個正苦先係真正強勢呢?
7. 樓市好友 2017-10-21 17:35:51
星架坡人TROUBLE MAKING. 我有個星架坡人的租客, 次次都遲付租金, 并要求多多. 結果我把妃那星架坡人趕走了. 真係唔知星架坡國民教育這麼差!
8. 引刀一快 2017-10-22 08:06:31
或者過幾年佢地整個“馬拉星大灣區”,世界上唯一喺赤道上嘅大灣區,同香港錬過!