地產博客
瀏覽人次:21425    回應:4
敢說亮話

茶餐廳亂話(182)有不同聲音其實是好事

 

湯文亮博士

紀惠集團行政總裁
2017年9月23日

  今早游完水去到茶餐廳,有客人話絕不同意我講縮表大鑊過加息,並且引用老C話縮表反而會引領股樓進入大時代,老汪則話縮表不可怕,我話兩位前輩見識多,又身經百戰,所講的一定有他們自己的道理,我只不過用另外一個角度睇樓市,市場上只得單一聲音是不健康,不過我想問,既然縮表並不可怕,甚至引領香港股樓進入大時代,點解評級機構要降低香港評級,官方話中國降香港就會降,如果真的是這樣,毋須評香港,只需評中國便可以。

  現在香港樓市可以說是生態不平衡,地產商,物業代理當然賣花讚花香,大家都可以理解,但不少評論員,研究所所長,經濟學家,末日博士全部都睇好樓市,如果情況是如此明顯,中原指數應該飆升,而事實上中原指數在下半年開始至現在升了不足1點,連指數公司負責人的信心都開始動搖,我的言論只不過做一些平衡,但我人微言輕,能夠做到的是有限,而且隨時被人笑到面黃,不過,我過得自己心理關口便可以,那人本來準備挑釁,但敗興而去。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 博士粉絲 2017-09-23 10:54:15
其實我覺得幾搞笑,如果過去咁多年樓價升明顯係因為QE(擴表),咁今日開始調番轉縮表,仍然係利好樓價,可以繼續向上,什至更大時代,咁即係有否QE,樓價都係爆升。

你話縮表一開始速度慢,雖然愈縮愈多,但目前影響較輕微,我理解;你話要縮3年,縮縮下美國經濟下滑要擴番表,對樓價有支持,我都接受;但你話愈縮愈利好樓市,我覺得反智都不得了。。。
2. 不同聲音 2017-09-23 11:17:48
689上埸製造社會矛盾,689收皮後,社會仍然有好多矛盾。
3. 真真薯片 2017-09-23 23:52:59
地代既所有分析, 其實得一句 : 買家快d比錢佢洗

博士今日唔跑步轉做游水?
4. 引刀一快 2017-09-24 00:23:34
To 1 樓 博士粉絲兄

萬物爆升論最根本問題係因果逆轉。