地產博客
瀏覽人次:19764    回應:15
文亮言

負利率即是賴債

 

湯文亮博士

紀惠集團行政總裁
2019年9月19日

  有老友叫我解釋什麼是負利率,想比較一下我和譚新強有什麼分別,佢話譚新強解釋得不但絲絲入扣,而且仲扣人心弦。老友強人之所難,我又怎能夠和強哥相比,他高我很多。老實說,我自己也不明白點解會有人接受負利率。但特朗普話,美國可以進入負利率時代。既然特朗普講得出口,負利率又的確可行,或者這是金融界的誕嬰現象,呃汝嚟落搭。

  在了解負利率之前,首先要了解利率。什麼是利率?我認為好似機器的偈油,冇當然唔得,太多又不可以。如果一部機器沒有定時加偈油,機器內部就會直接磨擦,不用太久,那部機器就會著火報廢。只要定時加偈油,才會令機器運行暢順,但如果太多偈油,不但浪費,而且會令機器很容易死火。而利息就好似機器要加偈油一樣,要因應時間來調整。無論如何,都不能夠沒有利率,更加不能夠負利率,就好似機器不能不加偈油,更加不能將偈油抽乾

  利率其實是與資產價格掛勾,當利率太低,買家要求的回報亦會降低,資產價格就會飆升。如果利率是零,資產價格就會變成無限大,如果真的是出現負利率,資產價格就好似進入黑洞,去到另外一個大家都不了解的世界。不過大家亦不用擔心,負利率只會令到本金接近零,不會出現負本金。所以,負利率的事,可以用做科學實驗的心態來看,結果實際是行不通。

  如果要我解釋負利率,我唯有話那些人提出負利率的人準備賴債,所以當特朗普話美國可以進入負利率時代,代表美國準備賴債。即使閣下有幾多錢存在美國都好,每年都要付一些利息,長久下去,令到閣下的本金接近零,又怎會有人存錢在美國?所以,假如特朗普真的有一天推行負利率,同時一定不准資金離開美國,只有這樣做才可以得到負利率所產生的效果。推行負利率之後,變相不用還債,美國的債務危機便會消失。不過,代之而起的就是沒有人在美國存錢。買美國的債券,美元就不值錢。所以,如果特朗普堅决推行負利率,結果將會是得不償失。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. ANA 2019-09-19 11:08:03
個人估計,如果中美傾唔掂數,中國擲金融核彈美債導致利率急升,美必將擴大QE並買債去壓低利率或甚至負利率,美元將大幅貶值。
2. 新抱仔 2019-09-19 12:03:22
會出現滯漲嗎?又是貧苦大眾埋單了,唉
3. 十郎 2019-09-19 12:46:18


      都講左啦 , 我果個食蕉同學 , 變左金融專家喇。

4. 十郎 2019-09-19 12:58:22


      現今世界有德國、瑞士、日本 , 曾經負利率過 , 資金出口國。意大利、希臘、委內瑞拉 , 會唔會負利率 ?

      特朗普話負利率就負利率咩 ?他說了算 ?唔怪之得佢破產過幾次。


5. 十郎 2019-09-19 13:05:51


      負利率 , 第一個仆X係保險公司。

      特朗普有冇資格宣布負利率。

6. 舍神 2019-09-19 13:08:29
可以印錢, 政客又怎拾得唔用丫!
我們活在一個前無古人的fiat currency年代!
呢個實驗已進行了近半個世紀,
人類對呢個系統的信任去到那一刻才會panic尋找逃生門?
另一場財富轉移遊戲,且看誰能笑到最後!
7. 我有一計 2019-09-19 13:23:40
我有一計:凡是市民存一元入銀行,金管局就津貼一元給市民,銀行肯定水浸。我的這一計非常有效,希望考慮考慮。
8. 十郎 2019-09-19 13:24:23



      大笨象 、3988 七厘。992  五厘。

      特朗普越來越似自己炒緊股票 ,美國成個國家給他揸上揸落 。左道話左 , 亞爺歡迎侵侵連任。



9. 湯瑪斯 2019-09-19 14:09:57

我理解的負利率有兩種:一種是銀行不僅不給本金提供利率,而且還要收存戶利息(即上文博士所說的那種);另一種是銀行給予存戶的利息很低,甚至是0利息。如果該經濟體有通脹,而本金利息又低於通脹,就形成負利率的現像。

我相信特朗普所說的負利率是後者,在低息的情況下,市民寧將資金買物業。香港在過去十多年就是經歷這種負利率的環境。至於前者的負利率,即使在通縮的年代也不會持久。如果放錢在銀行要付利息,為何不買黃金?

10. 乜春 2019-09-19 14:48:51
有一個好簡單例子解釋乜野係“負利率”。

如果你買實金,存喺銀行保險箱,你唔單止冇息收,仲要畀保險箱費用,呢個就係負利率。

咁點解仲有人買(實金)?驚通脹囉!如果通脹高過佢畀銀行費用,咁即係賺咗,相差嗰部分叫做實質利率(係正數),相當於“正”利率。所以咪即使“負利率”都有人買囉。哈哈
11. 乜春 2019-09-19 15:00:52
又譬如你有筆資金,如果擺喺銀行,佢要收你利息,咁即係負利率。但你知道如果拎去投資,無論買乜都會蝕好多錢,擺屋企又唔安全;咁你唯有接受負利率,因爲除笨有精。明未?哈哈
12. 乜春 2019-09-19 15:10:39
好多唔見得光嘅人(如陳水扁),佢地喺瑞士銀行有户口(存有巨欵),全部畀緊負利率,都係要買個安心咁解。哈哈
13. 十郎 2019-09-19 15:28:43


      負利率的用意 , 是想將資金驅逐出銀行體系 , 希望是資金去投資攪活經濟 , QE亦一樣 , 尤其是2008年之後。據早前報導 , 資金令資產暴脹 , 通脹上升 , 但經濟活不起來 。 理由是美國(不是香港)銀行害怕壞賬 , 從金融風暴幾乎倒閉變成穩扎穩打 , (美國次按爆煲後 , 有d銀行大到不能倒 , 所以美國要救) , 資金就留在銀行養傷 , 實際流出資金不什麼大。香港不同 , 銀行水浸令資產(樓價)狂升。我想提一提 , 金管局的美元不是香港人的 , 是游資 , 隨時走得。如果銀行不夠調度而向金管局取用 , 是要付利息的, 銀行資金成本上升後會點做 ? 我要說 , 你話呢。




14. 鳥5 2019-09-19 16:22:30
十哥,專業喎。D 雞龍蝦你唔到喎
15. 鳥5 2019-09-19 16:23:46
ANNA.. 如果你有角度啱其實要買少少金 其實仲有機會都大阿爺上個月又清啲美債... 阿爺炒美債好叻