地產博客
瀏覽人次:24867    回應:26
文亮言

要樓價急跌,可考慮放寬SSD

 

湯文亮博士

紀惠集團行政總裁
2019年1月16日

  市場上不時有人要求政府減辣或者放寬逆週期措施,官員們不敢冒這個險,他們擔心在減辣之後,樓價出現報復式上升,三扒兩撥,兩三個月之後又創新高,這個鑊無人夠膽揹,老實說,官員們有此擔心亦是正常,現在市場上最多聲音要求政府容許銀行放寬按揭,如果是真的話,樓價一定會急升,所以,即使財爺放風,特首立刻斬釘截鐵話暫時未能夠放寬,連考慮一下都不會說,無謂市場上用這個話題炒作,即是叫大家死左條心,既然如此,各位官員就唔好再話,如果確認樓市下跌,就會放寬逆週期措施。

  有很多人不滿意政府不肯減辣,叫我撰文提醒官員,老實說,香港政府遲遲不肯減辣,主要是官員們宅心仁厚,如果我可以話事,只要放寬SSD,二手樓價一定會大幅下跌,因為現在有不少在過去兩三年內用高成數按揭買了樓的人,他們的供款開始有困難,但礙於SSD,又不能將三年內買入的單位賣走,如果政府取消SSD,我相信有不少業主立刻會賣走那些單位,供應量會突然大幅增加,在新樓的供應量配合之下,樓價一定會大跌,在那時候,一定有很多早已打算買樓的人,見到樓價急跌便會蠢蠢欲動,甚至要求政府放寬首置人士的按揭成數,政府可以做一個順水人情,就會皆大歡喜,官員亦不用怕在放寬逆週期措施之後樓價會急升,因為由放寬SSD所得到的供應量將會很驚人,即使放寬逆週期措施,亦只能夠減慢樓市下跌的速度,絕對不會令樓價只跌回升,不過,我雖然話絕對,亦不敢作出任何擔保,畢竟香港樓市相比國內購買力實在太細,只要國內人士熱衷在香港買樓,無論香港政府推出任何措施,亦阻不少樓價上升。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 樓價一定會大跌 2019-01-16 10:39:48
咁就不用等在新樓的供應量配合之下了, 直情可以在某一天或任何一天, 例如在審議凶至稅之前, 先行放 SSD, 之後一手開價就會被動地被二手帶落去, 又不影響民生, 因為住緊嘅業主唔會賣, 投資者趕住走, 可能直接賣俾租客, 租客唔駛搬。
2. 香港人 2019-01-16 11:36:14
好方法👍👍👍
3. 十一哥 2019-01-16 12:00:49
息口低肯定係常態…敢死隊頂3年唔難、老虎一早食飽咗等鬆綁散水…食砒霜…諗住杜老虎、棧自己中毒。

4. 鳥5 2019-01-16 12:09:01
正是..
5. 鳥5 2019-01-16 12:11:24
發展商 係床板夾春... 自身力量 攻擊自身短處. 坐貨越多, 就越煩 越被動... 袋型戰術 年尾收網
6. To 3 2019-01-16 12:16:27
墳哥, 非隊老虎也, 隊錯敢死隊矣也, 惟敢死隊肯敢死, 肯定多過一件貨, 身是菩提樹, 本來也是老虎, 唔怕隊錯, 大數據之下, 因為一件差餉, 實時可以 gen 出甚麼數據了解某一動作會對某一類人帶來幾大後果, 你明未?
7. 十一哥 2019-01-16 12:32:09
2. 十一哥 2018-01-17 09:07:44

世道就係…分分合合無限loop、過程中有人得有人失、跟大隊係人性…咁先做就到金字塔、所以bitcoin都有人信、釋洗錢、教皇、教會…咁貴氣嘞 !  研究下briexit可能英鎊有可賭之道、傾傾下分手…難民又好似靜番哂…英國佬about turn有着數。

8. 真真薯片 2019-01-16 12:46:41
早排我都講過類似建議,結果比人鬧到反艇,好多冇樓等跌既人對辣招係寸步不讓,不過冇乜所謂,正苦都唔敢郁辣招
9. 鳥5 2019-01-16 17:04:22
十一哥 重既得利益者出發, 比特幣 用家係可以匿名作為國際貿易。。 第二 在下未見過 有一種貨幣 挑戰美元 而美國唔搞。。 以上批判在下懷疑 只係懷疑, 係由美國做出嚟打劫全球毒販 嗰啲現鈔進入美元體系。。。 不過唔太關我哋大家事所以我都冇放喺心, 本人關心嘅只係香港
10. 鳥5 2019-01-16 17:13:25
至於深網,一個連美國都話無法 追蹤入面嘅活動人物... 你覺你覺得呢個係事實嗎?哈哈
11. 鳥5 2019-01-16 17:18:21
真真兄, 不用急, 你講嗰啲係中㗎, 只係價格同時間。 時間從政府嘅利益最大化 係等立法會批咗大台山2 3億研討金額 同 五個percent 空置稅後, 至於價格 就跟返上次個囉個比例行 大概跌兩三成就一朝分三個階段。。。 所以越切都係跌再切都係跌。。 直至跌至還原價格即Cy上台約09至10價格
12. 鳥5 2019-01-16 17:20:22
點樣上 呢加, 就點樣落嚟 減 ,咁就唔使怕孭鑊啦
13. 湯瑪斯 2019-01-16 17:22:23
政府推SSD搞到二手供應大減樓價大升,而家減辣取消SSD樓價照理應該大跌。
或者有人會話大跌係硬着陸唔好,其實而家重有一批大好友話今年樓價會止跌回升。佢哋也許有些不為人知嘅理據。一落一上,取消SSD或者變成軟着陸,樓價跌到香港人十年唔食唔飲唔用就買到成層樓。跟著樓價橫行或有限度上落平安。咁其實係政府想要嘅嘢。政府快的取消SDD啦!
14. 鳥5 2019-01-16 17:26:50
真真兄,每減一招 二手成交多返二三十個percent一次。。。一手主導變成二手主導 ,到時真真兄,像你這樣有經驗嘅地袋 就會舒服D。。。一手主厶導同新人一齊玩大抽獎.辛苦啫
15. 鳥5 2019-01-16 17:40:05
十一哥, 如果爆咗煲 ,息口加減已經唔係重點 跌兩成, 頂嗰兩成就變咗蟹貨。。。 一支係火柴 一個係火藥桶 火柴點著咗個火藥桶仲有冇火柴已經唔重要
16. 鳥5 2019-01-16 17:47:15
十一哥 當年美國 未償還貸款 只有幾千間... 大王提出論點 畫炸咗佢 就會冇事 搵鬼信咩
17. 鳥5 2019-01-16 17:52:29
再舉多個例子, 如果有一百人響匯豐銀行排隊,話攞唔到錢十日 每人係一萬蚊,唔通要 救 匯豐銀行就係一百萬咩? 爆咗就係爆咗 就算要翻炒都唔會係老雞
18. Peter Peter 2019-01-16 20:20:38
須知道,庫房考慮的就是稅收,其餘的它不會考慮
19. 首置客 2019-01-16 21:34:45
我覺得政府可以考慮優化SSD去增加供應:
比如持貨超過1年而其樓價升幅不多於5%既話,可以豁免SSD。一來可以避免炒家摸貨,二來如果1年樓價升幅只有5%既話,基本上同通脹睇齊,對炒家短炒既誘因唔大。三來,我相信呢1-2年買左新樓既人,部分或想沽貨吐現,變相增加2手供應。
20. 鳥5 2019-01-16 21:52:16
所有已 賣地收益 為曲線稅收嘅地區國家 最後都要爆 政府都知 已成個高地價政策嘅週期嚟計 政府而家做法 就係高位good水低位修平地 利益已經係最大化 一個七 政府 加埋一班 全港同心同德一齊找到上火星 其實結局都係要死 政府比誰都清楚
21. 鳥5 2019-01-16 21:55:18
已開發土地為永恆4稅收國家, 只有資源局 唔係香港以人為本嘅 地區
22. lc1 2019-01-16 23:22:07
其實而家既一手消情己反影買家既取向,就係唔平唔賣,發展商都出黎減價,如果二手樓想賣既業主其實想貴都賣唔到,中央出招救市,中美個幾月之後就見真章,天礸賣到人山人海,係因為夠平,其實逸龍灣一出所有业主都坐左洗頭艇,成頭濕晒,上年買既重更加係模頂,兩成三成既跌幅其實己經係新樓價度實現左,噤二手樓一樣係跌,所以上幾個月成日見到有人平手走人,輸錢果D 會唔會走?如果有錢輸就唔會借高成數,賣比你重要補差價既話,其實果D 人一定唔會賣,最多當經濟好差連工都無埋既時候做銀主。所以ssd 如果係去除,就只有想take profit 同平手想走人既业主想賣,如果係噤,就只有 2015 年既買家可以放到出黎重係平手,應該過晒ssd. 
23. lc1 2019-01-16 23:29:51
波叔話想放成數比供得起既人上車,講講下又滅左聲,要解決供得起但係買唔起既人,其實供得起買唔起既人本身就要租樓啦,波叔奇怪既諗法係想爭取民心,空頭支票只有政治家唔洗比人拉,試途以咀炮救近火,都係林鄭醒,識講諗都唔洗諗,咪得最大支持,個市跌既時候,其實經濟都唔會好得去邊,班本來上唔到車既人,咪一樣上唔到車,波叔如果問頂下介特首,將會係香港最弱雞既年代。
24. lc1 2019-01-17 00:16:35
而家香港既樓市就似股市一樣,你成日睇新聞個市蒸發左幾多億市值,市值本身只係一個虛數,就似樓價,以當日成交平均價黎計市值,要代表晒所有股東想買想賣既價,即係一竹竿打一船人,所以你見到新樓急跌 20 30% 賣價,就係因為創新高既買價只係一少部份既人成交所得黎,你有無見過恆指可以跌返去十幾年前既價?or 係高位度企三幾年?最重要既唔係佢賣咩價,而係玩E 個市既人既身家有無多到,因為價錢只會跟住玩家而定,我諗新高7 折應該會係港樓正常既樓價,因為高端買家只係少數,佢地推出黎既樓價唔會企得穩,你見而家平返,D 市民就走晒出黎買樓,高樓價既購買力的確係被消耗,但係所謂既剛需,我認為係最多人能力所及既賣價,係高樓價你係見佢唔到,但係佢地唔會消失而且儲既錢會越黎越多,去到一個岩價既位,個市就唔會跌。(如果經濟條件無變,失业和通帳一樣的話)。所以重點應該唔係SSD,而係香港人既信心同saving 既多少。係 2018 年既調查所得香港有 17 萬百萬富翁,其實只要經過左自由行,香港人所得既收入己經倍增,而且富者越富,要樓市大跌,只有E班有財富既人都全部一齊投資錯誤以至身家大縮水才能夠,股市輸大錢/經濟不景氣,只要有大陸照住,香港無話樓價可以 1/2 噤插。
25. to 23/F 2019-01-17 10:22:14

 

本人雖然租緊樓但也準備買樓新樓買得起但地點不合適.  二手港島區問題是按揭成數導致首期太高.  如果樓市由現況回多兩成 (港島區太堅挺,暫時回落不大), 就有望入市.  經濟環境對我們收入影響不大身邊也有同樣等待入市的准買家.

26. lc1 2019-01-17 23:39:49
回 25/F 經濟環境都影響唔到你收入,即政府工吧?小弟靠資產回報過活都受經濟環境影響,所以話公務員認真無敵。