地產博客
瀏覽人次:26392    回應:17
文亮言

當銀主盤大爆發,才可以確認樓市下跌

 

湯文亮博士

紀惠集團行政總裁
2018年12月16日

  特首林鄭月娥對那些叫她減辣的人慳返(啖氣),有人非常不滿意,認為政府三番四次話如果確認樓市下跌就會減辣,現在政府食言,認為這個政府信唔過,其實,在政府推出各項辣招時已經沒有打算撤招,認為政府會減辣只不過是自作多情,特首口中所說的減辣其實是指放寬逆週期措施,現在的問題是如何確認樓市下跌,雖然中原指數連跌11個星期,但跌幅只不過區區6%,如果放寬逆週期措施,話唔定不足一個月中原指數又會創新高,屆時就會被千夫所指,政府沒有必要揹這隻鑊,不如等多一會,確認樓市下跌後才放寬,或者會有人問,究竟要等到幾時。

  有人話老C在物業代理界是泰山北斗,他較早前表示樓市會下跌兩三年,跌幅25至30%,這還不是確認樓市下跌,那些人不明白,物業代理叫唔到人高價買樓,立刻反過來叫業主賣樓,如果沒有30%跌幅,業主跟本不會考慮賣樓,老C成日轉軚,他的言論又怎可以確認樓市下跌,就算連他的伙計亦不同意,認為樓市下跌15%之後就會反彈,既然如此,又何需放寬逆週期措施,或者會有人問,究竟要等到幾時才可以確認樓市下跌。

  我相信不用等太久,在明年今日,政府如果還未放寬逆週期措施,亦會積極考慮,因為到那時候銀主盤已經大爆發,銀主盤的存貨量與日俱僧,銀主要大幅減價才可以去庫存,但銀主盤大減價又會製造更多銀主盤,如此生生不息,樓價會不斷向下尋底,到那時候,才可以確認樓市下跌,政府才可以考慮放寬逆週期措施,不過即使放寬,亦不能立刻令到樓價止跌回升,只能減慢下跌速度,要過一段長時間,當銀主盤減少,樓市才會止跌回升,所以,現在叫政府減辣,不如慳返啖氣。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
2. 香港樓市的本質 2018-12-16 12:30:20
如此看來,樓價越跌越冇人買樓,因為接了銀主盤的人,好快自己也變成負資產,嚇死其他觀望的人。

樓價下跌,香港人就可以安居樂業,人人變成業主,只不過是個幻想。政府用辣招整冧樓市,林鄭脚痛下台可期。
3. HKY 2018-12-16 12:41:45
等睇戲!

4. 鳥5 2018-12-16 12:48:18
的而且確, 事實常理如此... 呢個係科學理性 ...既思路...
5. 鳥5 2018-12-16 12:51:48
政府睇數據,主要來源政府税局,5係睇報纸,咁 會客觀啲準確啲 但時間會滯後一D。。。
6. 鳥5 2018-12-16 12:55:01
中原指數只係事實之部分唔係事實之全部。。。
7. 鳥5 2018-12-16 13:00:15
中原指數 重點在於創造成交!!, 唔會用大量 成本 時間, 去做科學分析.. 如果你認為 係百分百準確 咁我諗你諗多咗。。。不過好過睇(纸花報)去賭纸既。。。
8. 香港樓市的本質 2018-12-16 13:01:18
這次跌浪-大概持續三年左右,最終結局也會同以往的樓市下跌週期一樣,就是絕大多數窮淡都不會或不敢入市撈底,而窮好就被震中局或是物業變成銀主盤。

結局就是銀主盤落入強者手中,貨源進一步歸邊,貧富差距擴大。

以為整冧摟市就可以令到社會和諧,太天真了。
9. 井 2018-12-16 13:41:43
10. 梦想 2018-12-16 15:30:30
普通人都成富人,这个是梦想,真发生时,一定是哪里出问题了,而且是回光返照,是天要塌了,如果警觉,就能逃离
11. 鳥5 2018-12-16 16:02:54
今日睇反派銀紙嗰單嘢 我都幾欣賞...
12. 鳥5 2018-12-16 17:05:23
比特幣 本來就係美國佬設計愛嚟打劫毒販, 紙幣美元 流入美元銀行體系。。。。 做善事做到 爭啲畀人拉。。。 小弟十分佩服
13. 鳥5 2018-12-16 17:17:15
世界只有 虛擬貨幣 ,過程挑戰美元而美國佬5反抗。。 不過睇嚟睇去已經完成歷史任務
14. To 7 2018-12-16 18:55:18
鳥哥,咁中指係咪已經失去造市功能呢?
15. too good to buy 2018-12-17 06:59:52
I will not buy
16. 引刀一快 2018-12-17 15:45:01
舞高弄低,從來都係AA之能事,配合大量大陸土豪嘅唔知啶唔識貨唔問價式掃樓,港樓係泡沫還是負泡沫,好快就知。
17. 引刀一快 2018-12-17 15:54:41
To 8樓

令社會恢復和諧嘅,唔係樓價跌,而係大灣區嘅發展進程,社會對大陸嘅歧視,好快就會隨住交通發展、軟實力水平拉近,逐漸消除,再發現住香港劏房嘅壓抑,根本係冇必要嘅。
樓價,只係俾觀念托住啫。
18. LC1 2018-12-18 08:52:47
其實以現在香港噤多樓己經供斷左,我諗銀主大爆發既機會最大多數可能係父干樓,以金管局淨係比按五成黎計,又做埋壓測,而樓又係自住而唔係靠租樓供既話,唯一既變數就只有收入,如果係用收租作收入既話,又按少兩成計,所以比較正路既樓市下跌信號,就只有香港人工跌,香港黎緊一年乜都會加,CEPA 又上馬,過去十個星期只係單一trade war 心理影響,街上就算國內人消費同香港人消費既店鋪都強勁,買名牌既大陸人依然要排隊,停車場依然要排隊先入得到,香港養架車同養個仔既支出其實分別唔係好大,一個月一萬,未到 25 年你都比左三百萬,以現今這樣的環境去看樓市是否轉向,我覺得還是言之尚早。下年既人工加覆將會係最好既証明。