政府現在推限購令是功虧一簣 - 地產博客 - 科一物業資訊, 地產資訊, 物業放盤及成交紀錄
地產博客
瀏覽人次:8704    回應:14
文亮言
政府現在推限購令是功虧一簣
 
湯文亮博士
紀惠集團行政總裁
2018年8月11日

  有老友打算為一對兒女置業,問下我意見,我問他的兒女等唔等得,如果等得,最少等到今年農曆年底,如果唔等得,現在買樓也無妨,不過,最緊要大膽還價,因為近日除了有投資者晒冷式出貨之外,國內為了準備打貿易戰,不少在香港的窗口公司要班資回朝,大約會有4至5千個單位要出售,樓價會有很大壓力,唔還價對自己不起,如果現在唔買,大約在半年之後,隨時可以低15至20%買到現時打算買的單位,老友半信半疑,他說中原指數上星期又創新高,根據指數公司負責人分析,睇唔到指數會有下跌跡象,老實說,指數公司屬於物業代理公司,當然是賣花讚花香,但投資者行動最實際,幾位大投資者已經晒冷式出貨,如果知道樓市繼續上升,他們一定不會出貨,現在買樓的人不能不考慮這個因素。

  不過凡事都不能夠那麼肯定,如果樓價繼續上升,無人能夠擔保政府不會推出限購令,但我認為千祈唔好,否則樓市借勢調整,政府又做了千古罪人,地產商亦知道,所以堅叔在接受電視台訪問時亦警告政府不要推限購令,但我覺得堅叔這樣做有多少撩交打,政府怎會不知道國內班資回朝,新樓空置稅又迫到地產商推售新樓盤,加息在即,樓價亦會順勢向下調整,堅叔叫政府唔好其實撩政府推限購令,樓價下跌的責任就在政府,地產商又可以爭取到主動權,話唔定要重推勾地政策,停建停售居屋,所以我認為政府官員在這關鍵時刻最緊要沉得住氣,「娥六招」很快就會發揮效力,現在推限購令,真的是為山九仞,功虧一簣。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 長實 vs 啲資深投資者 2018-08-11 10:40:04
根據港鐵昨日公佈,長實投得黃竹坑站第3期發展,為集團前主席李嘉誠退休後、新主席李澤鉅上場後最大宗買地。3期相當具規模,可建約1,200伙住宅,更屬整個黃竹坑站項目唯一有商場期數,總樓面高達150萬方呎,單計補地價已近130億元,整個項目估值更料超過300億元。業界預測,項目將發展為豪宅,呎價或超過3萬元。
2. 真真薯片 2018-08-11 12:38:45
公平d講,黎緊既加息貿易戰只會令樓市有一浸跌浪,跌完之後會升返,尤其係正苦冇地既底牌已露同空置稅已被破解既情況下,地霸更加可以放心買地,因為地鐵上蓋地冇得等出年市差先去買,所以貿易戰加息跌浪同小超人買地兩件事其實冇沖突
3. 巴 2018-08-11 12:49:33
呢扁文寫出樓市既關鍵

限購會成為千古罪人,好多投資者,手持數十物業既人會見材化水。

比填海殺傷力更大

查實大陸佬用公司買樓,或買持有物業既公司

呢類數目 平時做統計係忽略左。
4. 巴 2018-08-11 12:53:12
最重要係香港人驚依家唔買 第時海外人仕黎買仲貴

出現恐慌性買入

價就一路追上

事實空置率也低,供應也不足

政府十年都做唔到野,政府人工就世界前列
5. 十一哥 2018-08-11 13:30:12
一早論點…正苦怕跌…唔驚缺、明明眼前大把地…就強調地霸私法可覆核…是否司法都未行…結果就正苦先操控 ?  大客要有貴族波地…先肯嚟關照…咁不如公私合營…重開中國城/大富豪啦!一味論拳扎馬~公屋幾大都唔埋牙、睇通嘅就費事嘥口水…睇啱就落鎚。
6. 馬前炮 2018-08-11 14:09:48
全球大把有銀佬眼見本國幣跌, 又怕花旗有入禁出或没收, 將流入香港。
7. 真真薯片 2018-08-11 14:20:33
林鄭精甩尾,股匯市場山雨欲來,樓市跌係指日可待,林鄭轉登出冇料到既娥六扣,出完仲比你升多幾個月到半年,之後爆大鑊勁跌就唔關佢事。香港人多數都姓賴,如果林鄭一出限購就撞正侵侵2000億重炮然後個市勁跌,所有人一定賴晒落林鄭度,情況同老董八萬五一樣,所以林鄭今次醒目,出冇用既娥六招先,如果跌就領功,如果貿易戰冇料到,先再慢慢睇洗唔洗加辣,為官之道最緊要卸博唔咩鑊,林鄭做官做到成精境界,大家唔洗同佢擔心
8. 向泛民说不 2018-08-11 14:39:34
真真如果你是林郑,你是不是也是这样做?
9. 真真薯片 2018-08-11 16:02:45
國內為了準備打貿易戰,不少在香港的窗口公司要班資回朝,大約會有4至5千個單位要出售

我想知呢個消息係邊度黎?
10. 顏色筆 2018-08-11 16:18:41
國內打貿易戰只會令人民幣更偏值,大量資金會流入香港,樓價會更高,政府應立即推限購,等再推高樓價時才出招已經太遲了。
11. 靠嚇 2018-08-11 18:29:35
市民已经被嚇到麻木了,一手樓照樣大排長龍。
12. 十一哥 2018-08-11 23:39:25
缺就冇洗擔心跌 ! 明未 ?  


13. Danny 2018-08-11 23:44:18
真真:
我听吳明德教授講過, 唔喺4至5千, 喺4至5萬, 當有1成未來一年不動聲色(公司轉讓), 逐漸慢沽, 好友也暫無運行, 大媽沙早收風, 一啲都唔奇。
14. 我有睇 2018-08-12 00:12:30
吳教授僅是推論,係真才是好事,有人出貨有人入貨,一年多四五千宗濕濕碎,AA好采有貿易戰打救。

大媽灑先行一步,梁绍鴻鄧成波鄭躬洪萬歲萬歲萬萬歲!