地產博客
瀏覽人次:24386    回應:2
文亮言

黃碧雲唔識得撻朵

 

湯文亮博士

紀惠集團行政總裁
2018年5月26日

  大家可能不知道,撻朵其實是很大學問,馬逢國在機場撻朵,迫保安主任容許他帶髮Gel上機,現在攪到一身蟻,除了他要道歉之外,隨時令保安主任冇咗份工,為貪一時方便,現在都唔知怎樣收科,這可以說是撻錯朵的經典例子。

  馬逢國撻錯朵,但亦有立法會議員唔識得撻朵,上星期特首林鄭在立法會答問會時,被黃碧雲議員話去澳門被拒絕入境,令她非常冇面,林鄭話各地方海關有處理規範,准唔准黃議員入境是澳門海關的權力,其實,黃議員如果識撻朵就應該話唔准她入境絕對沒有問題,但唔准一個香港立法會議員入境就是大問題,擺到明澳門不用俾面林鄭,甚至不用俾面香港,更何況黃議員不但在澳門沒有犯法,就算在香港都沒有犯法,點解唔准她入境,表面上是撻朵,其實是將個波交俾林鄭,一定會殺林鄭一個措手不及,黃議員錯失了良機,在下一次答問大會,林鄭或者其他官員就有了應對之策,不過算了吧,現在立法會充滿了那些油頭粉面,或者師奶式立法會議員,大家都唔好要求咁高。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 真真薯片 2018-05-26 12:45:13
做官做到咁上下大,10個有10個都會目中無人,無法無天,聰明而又保留到理智既高官會走低調路線,冇人識佢糧照逗,專心投資錢搵錢實行悶聲發大財,蠢既高官就會以為自己係皇帝,係生活上一遇到任何阻礙就立即響朶,佢地既思維講白d即係I am Law,其實藍絲議員搵邊個做根本冇分別,反正都係聽指示投票,好心阿爺就換過批藍絲議員啦,依家呢堆真係好柒啊
2. 不平人 2018-05-27 14:35:45
我好耐之前寫過“唔怕比人圍”,意思係唔怕被人用字面圍攻就幾分鐘內被人刪掉,博士就可用“撻朵”字眼,網站真係好大細超