從不了解到了解的新樓空置稅 - 地產博客 - 科一物業資訊, 地產資訊, 物業放盤及成交紀錄
地產博客
瀏覽人次:17069    回應:25
文亮言
從不了解到了解的新樓空置稅
 
湯文亮博士
紀惠集團行政總裁
2018年5月7日

  特首林鄭月娥上星期在立法會的答問大會,即席否定了資產增值稅,但可以考慮新樓空置稅,有時我不禁自問我們的立法會議員是否有足夠智慧,就算政府推出資產增值稅又如何解決房屋供應不足問題,如果香港出現赤字預算,反而是可以考慮推出資產增值稅,如果現在推出,即是腳痛醫頭,或者是俾個氹給林鄭踩。

  林鄭雖然話考慮新樓空置稅,我相信距離推出時間不遠,有不少人話政府如何知道新樓空置,其實,樓空置稅這個名字的確有些少令人混淆,如果用汽車行業來解釋就比較清楚一些,新樓空置稅其實是類似新車首次登記稅,不過是相反演繹,新車未賣就不用付首次登記稅,但已入伙新樓未賣就要付新樓空置稅,現在官方數字顯示有9,000個已入伙新樓還未售,老實說,這個數字並不驚人,但今年有2萬個單位入伙,明年也有2萬個單位入伙,如果每年只有大約12,000售出,新樓空置就會急速上升,而樓價亦會因爲供應不足而上升,所以,新樓空置稅是有設立必要,現在難得泛民議員同意,起碼不會打拉布,政府應該早些提出有關議案,當政府準備提交有關議案時,地產商一定會加速推售新樓盤,尤其是那些在短期入伙的新樓,用以向政府表示已入伙新樓的空置數量其實並不驚人,法例未出可能已經收到效果,老實說,陳茂波在三月底初次講及新樓空置稅,反對聲很多,並且來自各方面,現在,反對聲音減少了很多,我相信這是大家從不了解到了解新樓空置稅。

  現在賣新樓是有很多法例要遵守,對於只剩不多單位仍未出售的新樓盤,地產商情願空置不賣,況且持貨成本不高,而且樓價愈升愈有,所以,我認為政府對於那些已經入伙新樓盤,應該免卻新樓銷售時的繁文縟節,待一段時間,大約半年至一年才開始徵收新樓空置稅,這樣做比較公平一些,當大家了解到新樓空置稅其實是有助緩和供應不足,甚至會令樓市降溫。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 腥港人 2018-05-07 09:25:44
其實要做嘅話,只要發展商將單位租比關聯公司,已經令單位唔係空置,不過大家都係做場騷,唔駛太認真
2. 十一哥 2018-05-07 09:28:29
新樓冇規定要賣、首次登記乜意義 ?  投到地已經有登記業主啦!出租得冇 ? 員工老細自用得冇 ? 基本法有冇規定唔可以行宮3千 ? 唔好再玩白痴花臣啦!否則又要設立一個空置辦、又養多幾千人、使多幾百億、用呢D資源起公屋~可以多好多萬個單位、可憐下排隊等上樓嘅寒士啦!知都唔敢做、驚炒車。

3. 真真薯片 2018-05-07 09:54:21
想地霸賣樓,簡單既新樓空置稅係唔夠,你收得幾多?一年1%既話,地霸只會將佢當做生意成本

如果真係要做(雖然我睇死林鄭唔敢做),在下有幾個建議
1/ 要配合早賣樓減稅,關鍵日期前賣樓,可以減印花稅1-2%(只限本地首置買家),早賣樓減稅,囤貨就加稅,一來一回成本差距極大,地霸計完數就會賣樓

2/空置稅要同空置期內樓價升幅掛勾,唔可以定死1%或者2%,因為地霸囤貨最大誘因係遲賣賣貴d, 空置稅必須參考囤貨期內樓價升幅,將遲賣賣貴d所帶黎既額外利潤全部抽走

咁地霸一定賣樓啦掛?不過算啦,依家犯民太弱,講明唔會拉布,正苦冇得賴,一定唔會提交議案,等到犯民搵到拉布藉口,正苦既議案就開始排隊啦(係隊尾)
4. 十一哥 2018-05-07 10:18:47
正苦已經痴痴地、真真再攪複雜D…正苦真係會痴到北韓咁玩、鍾意點就點、橫掂都係一樣概念、不如簡算直接…強制地霸嘔出嚟…派樓  !

5. 無料煲 2018-05-07 11:05:19
只要火上加油
6. 天真嬌 2018-05-07 12:00:38
香港好多人不肯面對現實,天真(可能是扮的)地認為樓是必須品,所以不可以囤集。

你見過有所謂必須品大劈價七成,3折大平賣時居然無人吼未?

香港物業你叫什麼都得,但請你不要把它稱之為必須品。

7. 鳥5 2018-05-07 12:59:31
岩啦,而家全民討論( 燃眉之急之時 )D果時揾地收地(即係攞地),GOOD TiminG。。。事在(人為)指香港人。。從GOOGLE睇香港缘色佔7成。。。(何解會冇地起樓呢?整個故事,講到尾一人為)。。。
9. 鳥5 2018-05-07 13:11:25
大家小下先,時間去緊爆煲一方,D水就越來小啦。。。全世界高地策正苦都 殊途同歸,賣地係越賣越高既timming,收地係越買越平既Timming。。。不論何種方式,誰上台果個T imming都係做果個方向。。。錢從何來,地從何來。。。
10. 鳥5 2018-05-07 13:22:19
人人簽個名就5诜做?高地策其實係曲線税收, 生育成本高收,。。。正苦賣家當,結果係向絕子絕孫方向走。。。
11. 鳥5 2018-05-07 13:31:02
亞根庭已經5夠美金,香港出年殺埋身啦。。香港係大艇,不過掛鉤果隻係~ 超級航空母艦。。。波哥5好睇自己咁大。。。
13. 鳥5 2018-05-07 16:30:42
真真既戰術冇錯喎。。。
14. 向泛民说不 2018-05-07 17:06:53
楼上,高地价政策系税收,但是同生育没有什么关系,香港人的南亚人够穷咯,但是一样不停的生,仲有欧洲日本,没有土地问题,但是一样要面对人口老化问题,
15. 向泛民说不 2018-05-07 17:11:41
最近先发现原来真真都好渴望做地霸。机会是留比有机会的人,吾好眼红,仲有吾好信饭民,他们会害你。
16. 十郎 2018-05-07 17:36:35


      11樓鳥兄 , 唔好嚇人呀 ! 攪恐怖主義 , 我想起1997金融風暴都訓唔著。記番以前紀錄片 , 有的工廠老細托幾箱貨落泥香港賣街邊  , 正行生意的 , 炒樓炒股的人一舖清袋 , 食二手飯的 , 燒炭的 , 捲入漩渦的不是網中人 , 而是所有人。冇人歡迎金融風暴來訪。


17. 鳥5 2018-05-07 19:23:00
14/F,人口出生係同生育成本一直接关係,當然高GDP可以对冲,大陸有幾佰坐城巿,有升先後,社科結論都係一樣。。而家香港玩緊果D,大陸已經超前,5係瀉後,幾十萬人官商结地產,乜招都有,有你諗5到,冇佢做到。。。你香港地覇做D乜,你覺得中央會春過你嗎?
18. 鳥5 2018-05-07 19:24:54
更正係,有你諗5到,冇佢做5到。。
19. 鳥5 2018-05-07 19:44:23
香港而跌2萬點5會死人,CCL跌4成就大9鑊,4厘以上就好大機會。。。我甘表述(現况)。。如果你係餐广經理,全部你負責,你老闆坐向度收十萬你做。你層樓85年,一百萬2仟息、。。你而家會5會自己來搶人搶舖呢。。。D果係3年開始現况。。一但玩大D(其實係必然發生,巿塲係向上發展,人工有宿嗎?。。5谂下,現家有得借,冇得缩之景。。5係05年果時,边果識得宿边果鸁果時,人工加少D都5得做既。。what timing
20. 鳥5 2018-05-07 19:53:36
3年果個人開第一間,而家揸幾間?現金多,兄揸現金就價值少,巿埸回報自然低是也。。。樓價跌4成,佢開一間無事,但结論正常人係冲5會宿, 一間賺十,三間賺22,佢會5會5加按呢?
21. 鳥5 2018-05-07 20:05:22
16/F,冇上次跌得咁急,但深度比上次高。。樓就日日有跳樓,你留意啫,太急亞爺有預案。。武统台灣都有預案,美國佬係剪羊毛,香港最弱果項,就係而香港人認為最堅果項。。
22. 鳥5 2018-05-07 20:10:47
而家地球得香港人信樓係 無堅不摧,玩到李生底褲都比埋你。。我谂都谂5到。。。
24. 引刀一快 2018-05-08 00:19:33
真真薯片兄

你嘅提議,基本上輕易破解,而且D樓會馬上升價。
地產商只要將樓價定為期待嘅囤積價,有客提前買就係bonus。
25. 真真薯片 2018-05-08 08:33:14
刀兄

當其他人唔夠我講,轉而攻擊我既立場既時候,唯有刀兄仍然可以議事論事,刀兄果然有質素

空置稅當然唔只係按樓價升幅黎收,應該好似差響咁,按樓價估值收,再按升幅另外追收。。哦?差響?係喎,在下以前都講過,只要加收所有公司持有既住宅物業既差響咪得囉,洗乜研究空置稅?研究?拖時間者
26. 十郎 2018-05-08 10:07:36
      

      阿跟停去到40厘息 , 我聽見都腳仔軟。

      人地話加息就加租喎 ! 如果加息之後跌2成 , 我都可以笑看風雲起 , 如果加息後跌4成 , 米講話加租 , 收到租都要還神。

      呢個煲就爆硬 , 祇係睇幾時姐 , 同埋爆到幾大姐。

27. 向泛民说不 2018-05-08 10:10:01
引刀,泛民支持者,头脑真的有问题。
28. 十郎 2018-05-08 16:22:21


      林師奶話5考慮資產增值稅 , 我睇佢同美國佬一樣手持兩把斧頭 , 一把係 "兇至稅 " , 另一把係 "租管 " 。兩樣野都5可以增加供應 , 但係可以壓低樓價。