地產博客
瀏覽人次:26279    回應:49
蔡志忠
2017年9月13日

首置上車盤 「有辣有唔辣」

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  特首林鄭月娥兌現了競選時的承諾,將於下月份發表的施政報告推出「港人首置上車盤」,計劃還沒正式實施,坊間已有多個預測:(1)按照家庭負擔能力定價。(2)售價比居屋更低,是市價的一半。(3)不設收入下限,上限約7萬至8萬。(4)轉售較居屋嚴格,只可回購給政府,不能享有樓價上升的好處等等。

  政府通常會在政策推出之前,預先放風試測外界反應,俗稱「試水溫」,如果出現太多反對聲音,會作出一些修改甚至擱置有關計劃。不過,房屋政策一般受到的阻力較少,歷屆政府均視之為重中之重,原因是房策(包括辣招)本身就是爭取民望的重要武器。林鄭非常聰明,一上任馬上成立土地供應專組,將尋找土地的責任推給民間團體,減少官員被問責的機會。

  這麼龐大的30人專組代表了甚麼?代表開拓土地資源非常困難,政府是傾盡全力了。然而不知大家有沒有留意到,在政府多番推介和放風中,始終沒有提到首置盤所推的數量多少,或者目標多少。這是最關鍵的數字,或許政府也沒有底,所以才將這個「波」推給社會。

假如只可回購給政府 升值空間有限

  有評論指首置盤計劃直接搶奪首置客,將對細價樓帶來衝擊,讓小單位價格下跌。這個見解表面上看有其道理,從近期地產商爭相推售細單位樓盤,盡量趕在10月份施政報告出爐前沽貨,便看得出發展商也感受到一定壓力。不過,雖然後市有一點不明朗,但是發展商並没有減價促銷,新盤繼續暢銷,價格再挑戰新高,連偏遠的屯門新樓竟也賣到每呎1.8萬元。

  筆者認為港人首置上車盤,對樓市有何衝擊仍是未知之數,首先要看供應的數量有多少,如果只是一兩千個單位,或者是代替了部分居屋的數量,那便作用不大。此外,土地專組開拓的土地有沒有實質上的增加,即是在原定的3萬多公營房屋,以及2萬左右的私樓目標中,額外增加首置單位,如果做不到這一點,政策便會失效。

  更重要的一點,如果首置盤只可回購給政府,不能有升值空間,那麼就是社會主義的計劃經濟,購買首置盤並不比居屋優勝,只是美其名做業主而已,跟新加坡的「組屋」也有點相似。港人羨慕星洲有近8成人成為組屋業主,但是星洲人平均財富卻比香港人低很多。所謂「有辣有唔辣」,選擇居住面積大一點,還是選擇升值空間多一些,真是見仁見智、各有各好。

 
我要回應
我的稱呼
回應 / 意見
驗証文字
 
回應者名稱
密碼
1. Hing Kee 2017-09-13 12:10:42
有得住已經好好,以現時社會情況,不用捱貴租已是最大回報。
2. 浪子心聲 2017-09-13 12:13:04
若大家從令一角度睇人類行為就知「首置屋」可能帶來香港好大的變化,當一個社會大部分人都能解決基本的「衣、食、住、行」,就有很大機會出現多元的社會,因為多了人可從自己的理想作出選擇,不會為兩餐、更不會做樓奴,會有更多人為理想而創業或接受一些收入不高但個人喜歡的工作。

「衣食行」在香港不是問題,但香港要走高科技,多元化社會如西方的現代社會,就一定要解決「住」的問題,大部分香港人都無自己的空間。我相信林太就是想解決「住」的問題,而不是解決大眾的「投資問題」,香港是可以有「高樓價問題」,但不應有「居住問題」。

我相信林太正在為香港人選擇她認為最佳的方法去解決香港長期生活空間不足的問題,她是有心有力的特首,就支持吓佢喇!!
3. 人口入 2017-09-13 12:31:44
香港「居住問題」就是人口問題,人口問題未解決,「居住問題」永遠無法解決, 香港人是做什麼的???太多剩餘人群袛會為社會制造麻煩...喞然沒有土地供應,沒有房屋供應就要停止人口入口啦!!!
4. 浪子心聲 2017-09-13 13:22:00
To 3樓:

本人不認同,香港居住問題主因為人口輸入,香港實質人口增長不高,問題主因為過去20年香港房屋政策失誤,沒長遠及穩定政策,土地開發不足,令住房供應不足。


5. 沒有投資價值 2017-09-13 13:43:20
假如只可回購給政府 升值空間有限,變相長期租用單位,只是要一次比哂租金,不會加租(不包括不加管理費及大廈維修費),政府更可將所有責任推卸到所有所謂業主,這一着政府真是兩全其美,贏得掌聲又不用理會這個包袱,林鄭真是值得一讚!
6. 浪子心聲 2017-09-13 14:24:41
To 5樓:

諗清楚啲,對市民的好處係這一次過嘅租金可以造銀行按揭分期付款,更重要係退租時可以同政府拿回租金,實質市民可能只需付通脹差額。

如果首置屋的量是夠多的話,未來香港點會有居住問題呀?

7. 開心大發現兩全其美的謬誤 2017-09-13 14:41:29
689 個 6至居咪係咁上下囉, 公營房屋阿公唔再理有冇住多幾個人, 有冇富戶, 有冇做生意, 總之名正言順乜都唔理, 連房署這隻大白象嘅成本都節省埋, 唔係咩開心大發現。
8. 二少 2017-09-13 14:49:36
即係制造多條首置龍,一夠18歲就抽,一個首置名額滿足一家居住問題,其他成員私樓就出租,財富增值加速,多謝林鄭.
9. 沒有投資價值 2017-09-13 15:11:19
To: 浪子兄

如果你在10年前或是20年前買咗層樓,問銀行做按揭分期,到現在想要賣樓,但只是給回你買入時金額,,你估算你是否只是會損失了通脹差額後,你會唔會打算賣呢?

哈哈!
10. 知人 2017-09-13 15:30:13
香港有好多愚昧0既人拒絕移民人口,以為掩埋道門之後自己d生活就會過得好...真好笑...
而家洗碗冇人洗,啲建築工人人工仲個個都幾萬蚊都仲搵唔夠人做,搵個陪月比兩萬又冇人做...
再睇下我地班年青人,一畢業出黎就做草根,比洗碗地盤工更草根... 仲唔比人輸入移民人口, 咁自己咪一世草根?
香港比小數移民人口攞福利係事實, 但香港人攞人著數亦係世界級數. 君不見以前香港人移民外國都攞唔少福利, 澳門派糖個個又掙住過去攞, 仔仔女女都入埋籍...
攞綜援係散紙, 已經移民外國返香港醫病埋單先係大數目. 再睇埋住正苦樓個d富戶... 唉... 

11. 浪子心聲 2017-09-13 16:14:31
To 9樓:

諗清楚啲,人地講緊租屋解決居住問題,你講投資問題。

香港有好多人靜係想解決居住問題,過平淡生活,做自己喜歡的事,對投資無興趣㗎!傻佬!!

到時只想解決居住問題嘅人就買首置樓囉,想投資就買私樓囉,無人話未來唔可以買私樓投資呀?

12. 正苦樓個d富戶 2017-09-13 16:31:48
正苦對公營房屋思維的轉變, 源於靠一班薯片哥口中等退休嘅貢丸去管理戶藉、入息、資產、在屋內進行的活動等等嘅模式實在無法順應潮流和人生社會轉變(如代播香港電台節目係歷史遺留落黎嘅問題, 至今已不合時宜), 倒不如搵間管你公司, 請個清潔同保安簡簡單單。
13. 引刀一快 2017-09-13 16:46:03
住,係剛需

賺錢,係剛需中嘅剛需

唔想蝕錢,就係剛需剛需剛剛需

中曬喇。
14. 引刀一快 2017-09-13 17:00:23
To 11樓 浪子心聲兄

如果有一定比例嘅人,可以以呢種筍價買樓,會出現幾個抵觸投資者利益嘅情況。

1,少咗客源,當供求寬裕,就冇人搶。

2,低價現貨,價格對比,打擊豁出去嘅買樓心態。

3,首置計劃只係開端,往後極可能對地產既得利益者會有進一步鉗制。


15. Danny 2017-09-13 18:41:54

完全同意蔡生講法,非常好嘅文章!

"更重要的一點,如果首置盤只可回購給政府,不能有升值空間,那麼就是社會主義的計劃經濟,購買首置盤並不比居屋優勝,只是美其名做業主而已,跟新加坡的「組屋」也有點相似。港人羨慕星洲有近8成人成為組屋業主,但是星洲人平均財富卻比香港人低很多。所謂「有辣有唔辣」,選擇居住面積大一點,還是選擇升值空間多一些,真是見仁見智、各有各好。"

16. 有道理 2017-09-13 18:44:12
蔡生好文欣賞,一言驚醒夢中人!
17. 沒有投資價值 2017-09-13 19:49:36
To: 11樓

買樓跟本就是投資及住屋問題

你睇清楚D啦,現實生活中,有幾多買樓的人只會只想平淡生活呀,不問投資保值去買樓,你問問自己係唔係先啦,叻人!
18. 浪子心聲 2017-09-13 22:12:38
To 17樓:

「住房」同「白米」都係必須品,無投資價值都會有人買或租,因為生活所需,都要住㗎。

好像「白米」都無升值能力㗎,你都要買嚟「食」啦!

你可以話唔買樓可以租樓,係你話買首置樓好像一次過交晒啲租金嘅租樓方法,但我話仲可以在退租時拿回租金,咁 點會無人買首置樓,就當可退回租金的租盤囉,唔租就傻仔囉?

係你在5樓講「買首置樓,係變相長期租用單位」,你問問自己咁講啱唔啱,傻人!

19. 沒有投資價值 2017-09-13 22:46:51
To: 18樓

你睇楚未呀,正常的買樓有保值升值功能,現在變成不正常的租樓,還要付出現今租賃制度下一般由業主支付的費用(管理費及大廈維修費⋯⋯)
當退租後,表面取回全部租金,但是管理費及維修費就沒收了,還有貨幣的貶值(可以回顧一下過去,短的數年,長則數拾年,看看貶值了多少)

凡事唔好咁單純,叻仔哥哥,唉!


20. 東成 2017-09-14 00:11:32

蔡生很中肯嘅見解:

[筆者認為港人首置上車盤,對樓市有何衝擊仍是未知之數,首先要看供應的數量有多少,如果只是一兩千個單位,或者是代替了部分居屋的數量,那便作用不大。此外,土地專組開拓的土地有沒有實質上的增加,即是在原定的3萬多公營房屋,以及2萬左右的私樓目標中,額外增加首置單位,如果做不到這一點,政策便會失效。]

21. 博士粉絲 2017-09-14 00:32:04
用20年前既樓價比較,岩,係蝕通漲。

但你諗下點解要賣比政府先,係因為你20年內儲到錢,仲儲到租,可以轉私樓。仲可以起20年,什至30年40年內任揀一個低位上車,咁好既American option(幾時儲夠錢或者相對低位先入市),點會無首置客要呀?

老老實實,未來40年無一個相對低位,有無可能先?20年內都3次啦,97,沙士,雷曼,對首置客黎講,絕對係福音,至於有幾多數量,要睇施政報告啦。
22. 浪子心聲 2017-09-14 01:57:12
20樓嗰位人兄真係傻仔嚟㗎!如現在有對年青夫婦要解決居住問題,又買唔起私樓,又上唔到公屋或居屋,他們都要租樓住喇!租私樓租金貴又無得退回租金,現在話可以買間「首置樓」又平,又保證可原價賣回給政府,對夫婦就當租「首置樓」嚟住至先囉,到儲夠錢先買私樓囉。到有能力買私樓時,如有需要就退番間首置樓俾政府,攞多啲現金上車囉。咁都話唔吸引,就真係幾傻仔呀!
23. 引刀一快 2017-09-14 08:26:20
首置樓仲有一個好處,佢要求首次置業啫,冇唔俾你之後買樓嘛,超筍價買入之後,等到樓價低再買多間,一間父母住,一間自己住,兩間都係筍價,兩間夾埋有800-1000呎喇,花費好有可能低於400萬,又住得寬敞。
24. 引刀一快 2017-09-14 08:28:52
相比之下,依家孭住條大債買兩百幾呎屋嘅人,真係太幸福喇。
25. xDaniel 2017-09-14 10:34:24
好一句人均收入比5上香港!香港有錢人對腳肥到襪都著5上,窮人就60呎住一家四口!
26. 權宜之計 2017-09-14 12:42:48

(星島日報報道)啟德新盤再成市場焦點,區內OASIS KAI TAK開放示範單位以來,持續吸引準買家參觀,並將於今日截票,消息指,截至昨日累收逾1100票,超額認購約7.4倍,發展商稱,項目以用家主導,惟亦錄部分投資者入市,約20組更為大手客源。

投資者入市是因為市場資金太多,難以唱淡......


首置上車盤 「有辣有唔辣」!!!

首置上車盤 以半價出售,是否政府出地,建築商起樓推售房屋??? 此類  社會主義  計劃經濟產品不會成香港經濟商品主動力, 否則香港賣地稅收鏈就會斷纜, 不會成為主流產品, 首置上車盤 袛是頭痛醫頭腳痛醫腳的權宜之計......


27. 回23樓 2017-09-14 14:23:29
佢要求首次置業啫,冇唔俾你之後買樓嘛 <===有限制對象是家庭,不接受單人申請。
即係父婦要上哂名,無得單名買。買左唔可以再買樓,否則要即時賣返俾政府。
早前已經講明左對象。
28. 回23樓更正錯字 2017-09-14 14:25:08
佢要求首次置業啫,冇唔俾你之後買樓嘛 <===有限制對象是家庭,不接受單人申請。
即係夫婦要上哂名,無得單名買。買左唔可以再買樓,否則要即時賣返俾政府。
早前已經講明左對象。
29. 年輕家庭為主要對象&家庭的入息限額定位 2017-09-14 14:33:05
https://news.mingpao.com/ins/instantnews/web_tc/article/20170907/s00003/1504782546064

行政長官林鄭月娥透露,將在下月《施政報告》公布有關「港人首置上車盤」的詳情,資助從未置業、收入超出申請居屋上限的香港永久性居民置業,並以年輕家庭為主要對象。香港測量師學會對該建議表示歡迎,惟學會關注政府如何釐清資助的對象、私人住宅的業主和首置上車盤業主之間的公平性,以及業權轉讓的問題。

首先,「港人首置上車盤」構思的資助對象是首次置業的香港永久性居民,學會關注政府如何定義資助對象,以及申請家庭的入息限額定位。

另外,政府亦考慮以公私營合作模式,利用發展商私人住宅地皮或開發新界農地建屋,當中部份樓宇用作首置上車盤。學會亦關注,在這些樓宇建成後,私人住宅的業主及首置上車盤業主是否能共用屋苑設施,並負擔同等水平的管理費及維修費用。

最後,政府初步傾向限制業主不能在市場轉售,學會關注政府如何釐定單位的回購價,並建議按回購時的負擔能力或當時同類屋苑的定價和考慮樓齡等因素釐定回購價。

30. 東成 2017-09-14 15:48:58

非常正確!

 政府通常會在政策推出之前,預先放風試測外界反應,俗稱「試水溫」,如果出現太多反對聲音,會作出一些修改甚至擱置有關計劃。不過,房屋政策一般受到的阻力較少,歷屆政府均視之為重中之重,原因是房策(包括辣招)本身就是爭取民望的重要武器。林鄭非常聰明,一上任馬上成立土地供應專組,將尋找土地的責任推給民間團體,減少官員被問責的機會。

31. A70 2017-09-15 05:33:42
引刀兄說出拑制重點。。

蔡生,,

現在甘高樓价,甘高管理費,
仲媾升值能力?
有層樓住可以保本,無論樓市高低,都適合,絕對買得過,
浪子兄解釋好清楚。。
不過當然,對於地代系壞消息。
另外首置5系社會主義,
當年就系有人嘈政府,與民爭利,停建居屋,成个市場比地產商控制,斷左上車置業鍊。。
仲有就系管理費,首置客冇蝕。
就算租厔,一般業主租金已計埋,即系付出冇得退。
至於維修費,羊毛出羊身上。。
租客比的。。。

升值,今日你有1000 万400 尺,
5等於將來有1000 万換400尺樓,舊樓換新摟,一樣眨值。
所以話,樓市升到甘高,真系未必帶動經濟好,个个越住越細,个个比貴租金,供貴樓。節衣縮食,零售消費差勁,錢全部去晒地產商。
仲要搞85%按揭吸客,比起97香港/2007美國90_95%按揭上車,心中有數。/。。
全香港800 万,1100 人去認購,甘都叫𣈱旺?


32. 70s 2017-09-15 06:15:22
蔡生,佔中到港獨,5多5少由高樓价因起。仲有早几年林太對土豪,理得佢糸乜水照頂。而家放晒風打民意牌,而家佢地再5合作出地,即糸同香港首置客對立。再5系直接揾中央幫手來香港租地,買地起樓仲得,佢地夠胆可以5租,5賣比中央?
到時可能半賣半送比中央。。
輸得仲甘wor。。

我估首置至少3_5000 ,每年建築量。
對二手樓影響不大,系新樓微屋,影響最大。
應該等3_4年內,已經可以推出市埸.
33. 睜著眼 2017-09-15 18:25:49



現在的人,有很多喜歡睜著眼睛講瞎話!!!


34. 真真薯片 2017-09-16 00:58:53
此外,土地專組開拓的土地有沒有實質上的增加,即是在原定的3萬多公營房屋,以及2萬左右的私樓目標中,額外增加首置單位,如果做不到這一點,政策便會失效。

呢一點蔡某講得冇錯, 依家樓價升係因為供應不足, 有部份人要解決居住需要而去租/買樓

本來公屋+居屋+私樓係5萬個單位, 解決左5萬個家庭既住屋需要, 如果第時公屋+居屋+首置屋+私樓仍然係5萬個單位, 咁即係side氣啦

講到尾最緊要係數量同時間, 但係正苦唔講, 比多一個月時間佢睇下佢施政報告講乜, 如果又係唔講, 話要成立唔知乜野團隊去研究之類, 咁大家基本上可以放棄
35. 東方竹 2017-09-16 03:01:23

TO:31樓A70.

閣下同所有淡友一樣,同樣犯了一個錯誤,以為投資者或業主們一定想樓價大升,咁嘅思維就錯晒,長期同高樓價作對亦不正確,咁樣抗拒樓市永遠都上唔到車!

由於各位淡友對高樓價的憤怒,長期為樓價下跌找理由.結果錯過多次入市良機,令人覺得十分可惜!



36. 東方竹 2017-09-16 03:22:21

客觀來講.蔡生是咁多個作者之中,比較實而不華嘅一個,佢預測樓市也比較準確,不信?各位可番睇其文章便知道.

我唔識蔡生,但聽過其奮鬥故事,佢今日能夠成為成功投資者,係佢努力嘅成果!好多讀者仲以地代來形容佢如何貪婪,係鼠目寸光嘅行為.

香港的確存在好大嘅剛性需求,淡友錯誤嘅思維有很多地方,其中一樣是長期以為曾陰權年代維護地產商,故事停建居屋,大量減少供應,而CY及林鄭就會幫助弱勢社會,反對地產霸權.


37. 東方竹 2017-09-16 03:35:07

各位淡友唔好以為我想樓價升,我有物業係手,但唔夠住仲想買,我都覺得樓價貴,希望樓價跌一啲.

但事實樓價是不易下跌,我都要面對現實,過往幾個特首施政真正嘅結果是甚麼?是在曾特首年代,地產商賺唔到大錢,CY及林鄭年代,地產商就一定賺大錢,而且會愈來愈大賺錢,各位知道咩原因嗎?

淡友長期計錯數,只會愈來愈唔敢上車,愈來愈憤怒.!

38. 無言者 2017-09-16 12:34:49

啟德OASIS KAI TAK開售,有不願透露姓名的準買家表示,項目位於市區,打算購入最平的兩房單位,有考慮使用發展商提供的按揭計劃。他認為發展商開價進取,不過價錢仍比同區貨尾較平,相對吸引。問及樓市,他表示樓市等了很久都沒有下跌,荃灣新盤連抽都沒有機會.......

現實無言者.....講樓,最忌情緒表現不正常.

39. 70s 2017-09-16 13:44:41
東兄,我5糸大淡友,大好友,
我一樣有物業收租,一樣有樓經歴過97 ,
一樣糸長期看好樓市。。

有些人,認為首罝,居屋,公屋,認為系多餘,講到社會主義。

你想想,,如果冇巴士,冇小巴,甚至冇地鐵,只有的士,私家車。。
交通如何?將來的士車費几$?
|个車位几$?






40. 70s 2017-09-16 14:45:03
東生,我一樣有樓經歷過97,
現在一樣有物業收緊租的。
我5系大淡友,大好友,只是ㄧ樣長期看好樓市。。
長期看好,5等於過份看好,
5等於无大調整。

你捻下,香港冇(公屋)巴士,
冇(居屋)地鐵,冇(小巴),
只有(私家車)同(的士)豪宅。

你看交通如何?|个車位几$?
的士車費几$?

首置解決問題
基本需求???
剛性需求???
賺錢需求???





41. 新思維 2017-09-16 21:07:03




摶跌買樓新思維:


供諸同好. 中原城市領先指數 CCL   一日未創新高,維持在下跌走勢中的等待, 袛要未創新高,假設出現初期跌浪,約在一/二年後買樓, 假設出現中期跌浪,約在三/四年後買樓, 假設出現長期跌浪,約在五/六年後買樓, 此是最佳如意算盤……原因,睇專家預測資訊太多,人都聰明咗.




42. 70s 2017-09-16 21:07:05
BLOCK 左 ? 
43. 另一市民 2017-09-17 02:50:47

筆者認為港人首置上車盤,對樓市有何衝擊仍是未知之數,首先要看供應的數量有多少,如果只是一兩千個單位,或者是代替了部分居屋的數量,那便作用不大。此外,土地專組開拓的土地有沒有實質上的增加,即是在原定的3萬多公營房屋,以及2萬左右的私樓目標中,額外增加首置單位,如果做不到這一點,政策便會失效。

very good!

44. 開心如意 2017-09-17 14:16:14



中原城市領先指數 CCL 照圖睇勢2017年有機會再創新高,上衝到162點至165點是一件好輕鬆的事, 睇唔到有大跌的機會, 開心如意算盤.



45. 爆煲年 2017-09-17 14:31:15

2018年運勢:

狗年的作用是承接好運,這一年不會出現大變。

天象似乎未有顯示2018年是大跌年,爆煲年???



46. 信政府無發達 2017-09-18 18:35:00
首置係拖延和呃住買唔起樓嘅憤怒市民,等到真係入住都係六七年後嘅事,港人港地有乜成果吖!
信政府,等乞米。趁市旺喺股市賺番筆實際啲。
47. 東方竹 2017-09-19 00:55:15

70S兄:

大家應該理性一啲,如果首置盤沒有升值空間,將來賣返俾政府只跟通漲升價,恐怕會比居屋還不受歡迎,不如乾脆住公屋好過,連買樓首期都唔駛,將錢用來吃喝玩樂仲好啦!

48. 產生剛需 2017-09-19 13:23:19


現在香港樓市興旺,其中一個最重要的原因是因為過往十餘年, 有50萬名業主沽出自用樓房等跌, 而可能有30萬名賣出樓房者又想再次回購樓房, 所以現在樓價高企袛能怪此類沽出自用樓房等跌的相關人士......產生剛需.



49. 果斷膽識 2017-09-19 13:49:36

知道過去,了解未來.

 

2003 二手住宅成交 2003總計46,131 ,金額 $ 714.55 (),

2004 二手住宅成交 2004總計:  76,668 ,金額 $ 1,737,97 (),

2005 二手住宅成交 2005總計:  88,337 ,金額 $ 2,155,63 (),

2006 二手住宅成交 2006總計:  70,209 ,金額 $ 1,774,88 (),

2007 二手住宅成交 2007總計:  106,921 ,金額 $ 3,183,61 (),

2008 二手住宅成交 2008總計:  87,993 ,金額 $ 2,761,28 (),

2009 二手住宅成交 2009總計:  102,298 ,金額 $ 3,109,33 (),

2010 二手住宅成交 2010總計:  123,995 ,金額 $ 4,272,43 (),

2011 二手住宅成交 2011總計:  75,195 ,金額$ 3,118,39 (),

2012 二手住宅成交 2012總計:  70,183 ,金額$ 3,230,03 (),

2013 二手住宅成交 2013總計:  41,784 ,金額$ 2,079,58 (),
在2003年間,是最佳買樓時機.

接住10年間約有80萬位業主出售房產, 在2003年至2007年間約有30萬位先知先覺, 約有50萬位後知後覺, 可能有200萬人仕不知不覺. 知道過去,了解未來.

 

 

 

 

 

 

 

香港樓市,一直是 國際資金大賭場, 沒有最佳時機, 袛有果斷膽識. 如果你2003年至今一直觀望唔敢入市, 或者2009年前沽空物業等跌, 哪麼, 袛能遲疑不決繼續等待. 機會袛屬於果敢的人.婆婆媽媽袛埋怨他人是沒有意思的.